Sápmi |

Guldal jiena: Jávrri-Juhán Niillasa Nigá-mánáidgirjji vuođul šaddan dohkkáteáhterčájálmas joavdá Sápmái

Jávrri-Juhán Niillasa mánáidgirji lea šaddan dohkkáteáhterin. Nigá 1:ža jietnagirji lea maid boađi boađi.

Nigá gávcci jagiáiggi
Nigá gávcci jagiáiggi -dohkkáteáhterčájálmas čájehuvvo Njuorggámis, Ohcejogas ja Avvilis. Govva: Satu Muurinen

Nigá gávcci jagiáiggi -nammasaš dohkkáteáhterčájálmas lea juo muhtun áiggi johtán Mátta-Suomas ja joavdá vahkuloahpas vuosttas háve Sápmái.

Čájálmas lea ráhkaduvvon Jávrri-Juhán Niillas, Niilo Aikio čállin Nigá-girjeráiddu vuosttas oasi vuođul. Giehtačállosa lea ráhkadan Teija Sivula. Čájálmasa ovdanbuktet neavttár Ilpo Mikkonen ja musihkkár Salla-Marja Hätinen helssetlaš Pikkukulkuri-dohkkáteáhteris.

Čájálmas lea suomagillii, muhto plánan lea ráhkadit čájálmasa maiddái davvisámegillii, muitala Aikio.

– Dán háve ii leat vejolašvuohta sámegiela geavahit olláge. Giehtačálus ii leat jorgaluvvon sámegillii, ja hárjehallan ja buot doalvu áiggi. Mii fertet dan vuordit, dadjá Aikio.

Čájálmas lea lávvardaga 12.9. diibmu 14 Njuorggámis, sotnabeaivve 13.9. diibmu 13 Ohcejogas ja maŋŋebárgga 15.9. diibmu 9, 10 ja 11 Avvilis.

Niilo Aikio
Niilo Aikio Nigás sárgon gova bálddas. Gova lea ráhkadan Marketta Nilsen. Arkiivagovva. Govva: Minna Näkkäläjärvi / Yle Sápmi

Jietnagirji boađi boađi

Nigá-girjeráiddus lea dán rádjai almmustuvvan guokte girjji. Niilo Aikio muitala, ahte goalmmát Nigá-girji lea juo gárvvis sihke davvisáme- ja suomagillii, muhto dan almmustahttin lea ain ruhtadeamis gitta.

Nigá 1:ža jietnagirji davvisámegillii lea maid aiddo boađi boađi.

– Navddán, ahte dán manu áigge dat buorre muddui lea jo gullamis. Dat lea jo nu gárvvis, ahte das ii leat šat olu maid dasa lasihit dahje divodit, muitala Aikio.

Guldal Jávrri Juhán Niillasa jearahallama dás. Jietna: Anja Kaarret / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä