Sápmi |

Guldal jiena: Jikŋon 2 násti illuda searvat Stjernekampii

Kárášjohkalaš Vegard Bjørsmo lea oassálastimin boahtte čavčča Norgga stuorámus musihkkaprográmmii, Stjernekampii.

Vegard Bjørsmo
Vegard Bjørsmo oassalastá Stjernekamp-gilvui čakčat. Gilvu čájehuvvo Norgga TV:as boahtte borgemánu rájes. Govva: Vegard Bjørsmo private

Vegard Bjørsmo muitala iežas leat gieldagasas áššis, go leahan gažaldagas prográmma, man gehččet čuođit duháhat olbmot.

Bjørsmo lea bajásšaddan Kárášjogas, vázzán Álaheajus musihkkajoatkkaskuvlla ja dál son stuđere musihkkateáhtera Oslos. Bjørsmo lea 19-jahkásaš ja son lea dán jagi nuoramus oassálasti Stjernakamp-gilvvus.

Su mielas lea dehálaš, ahte maid sámiid čeahppivuohta musihkas boahtá oidnosii stuorit lávddiin.

– Mun lean doallan dan čihkosis juo oalle guhká. Dat lei hui geahppudeaddji go oaččui viimmat muitalit dán čiegusvuođa olles máilbmái, moddjesta Bjørsmo.

Vegard Bjørsmo šattai Sámis dovddusin Disney Jikŋon 2 -animašuvnnas. Son nevttii filmmas Kristoffa.

Máŋga musihkkašlája – opera sáhttá váttis

Stjernekamp lea NRK guoimmuhanprográmma, mas logi Norgga artistta gilvalit iešguđetlágan musihkkasurggiin. Hiphop ja opera leat leamaš mielde álggu rájes. Eará musihkkasuorggit bealisteaset molsašuvvet jagiid mielde.

Dán jagi luohti ii leat mielde gilvvus, dadjá Bjørsmo.

– Eanemus mun lean gealdagasas opera lávlumis, go dan in leat ovdal lávlon.

Ovddit jagiid sámi artisttain mielde leamašan earet eará Ella Marie Hætta Isaksen ja Agnete Johnsen.

Pinja Pieski jearahallá Vegard Bjørsmo. Jietna: Pinja Pieski

Varrasamosat: Sápmi

Váldoođđasat

Varrasamosat

Muualla Yle.fi:ssä