Sápmi |

Guldal jiena: Joonas Savolainen máinnaša máŋga siva dasa manin son hálida oahppat sámegiela

Su máttut leat nuortasámis ja Savos. Son jáhkká fidnet buorebut barggu Sámis go máhttá sámegiela.

mies talvella karvalakki päässään
Joonas Savolainen lohká sámegiela ja sámiid kultuvrra Sámi oahpahusguovddážis Anáris. Govva: Jouni Aikio / Yle

Vihtta jagi dassá son bođii Anárii luondoofelačča skuvlejupmái. Dan rájes son leamaš dienasbargguin ovdamearkan Gilbbesjávrris. Ja de bođii korona mii fuonidii sakka bargovejolašvuođaid. Dál sus lea liiba oahppat sámegiela.

Joonas Savolainen lea 26-jahkásaš ja lea bajásšaddan Oulu Haukipudasis. Luonddus vánddardeapmi ja eandalii guolásteapmi leat su mielamiel áiggeájanasat.

Su eatni beale máttut leat Ruošša Sallas ja sogas leat maiddái nuortasápmelaččat. Dán oktavuođa son dadjá gal juo boatkanan. Áhči beale sohka ges lea Savos, muhto doppe Savolainen ii leamaš goasge. Anárii son baicce lohká iežas ásaiduvvan dalán go bođii.

Dán jearahallamis Joonas Savolainen muitala, makkár áššit sutnje leat dehálaččat eallimis, manin son oahpahallá sámegiela ja maid son vuordá giđas.

Jearahallama gaskkas gullat su máidnasa Gollesiellu ja Silbasiellu.

Guldal Joonas jurdagiid giela oahppamis, luonddus vánddardeamis ja guolásteamis dás. Jietna: Jouni Aikio / Yle
Joonas Savolainen máinnas Guovžžačivggat Jietna: Yle Areena

Varrasamosat: Sápmi

Váldoođđasat

Varrasamosat

Muualla Yle.fi:ssä