Sápmi |

Guldal jiena: Monnesuollagat leat vuot jođus – dakkár doaimmas bivdet almmuhit bolesii, Meahciráđđehussii dahje Birdlife Suomii

Monnesuollagat sáhttet leat gos beare, gos lottit bessejit.

haukka kanahaukka poikanen helsinki uimastadion
Goahppilfállái lea jearalmas lobiheamit doaibmi loddečoaggiid gaskkas. Govva: Vesa Marttinen / Yle

Dál lea lottiid bessenáigi ja dat meinne dan, ahte maiddái monnesuollagat leat jođus. Eiseválddit ja Meahciráđđehus čuvvot lottiid bessema go johtet luonddus, muhto sii bivdet maiddái álbmoga dasa veahkkin.

Meahciráđđehusa bajit dárkkisteaddji Tuomo Ollila muitala, ahte loddemoniid čoaggimis lea guhkes historjá. Dan leat dahkan čuđiid jagiid.

– Olbmot miehtá máilmmi háliidit ovdamearkka dihte čoaggit dievaslaš čoakkáldaga, buot lottiid moniin. Dása laktása maiddái loddegárddi doallan, nappo háliidit doallat hehkiin nu máŋga loddešlája go vejolaš. Álkimus lea, go daid čivgan váldet doppe luonddus, muitala Ollila.

Monnečoakkáldaga ja loddegárddiid lassin maiddái fállebivddus lea iežas oassi dán áššis. Ollila muitala, ahte stuorra oasis Eurohpás fállebivdu lea lágalaš. Fálliid doallan gárddiin lea lágalaš nu guhká, go dollet fálliid, mat leat šaddan gárddis eaige viečča luonddus.

– Das lea goittotge várran, ahte buot gárdefálliin leat seamma máttut ja danin dohko háliidit ođđa lottiid. Suoma goahppilfállái lea jearalmas, muitala Ollila.

Tuomo Ollila, Meahciráđđehus
Meahciráđđehusa bajit dárkkisteaddji Tuomo Ollila muitala, ahte loddemoniid čoaggimis lea guhkes historjá. Govva: Maiju Saijets / Yle

Davvin ohcet daid lottiid moniid, mat eai besse lullelis

Sis, geat čogget lottemoniid, sáhttá leat viiddes fierpmádat ja lobihis doaibma lea oassái ámmátlaš doaibma, mas johtet stuorra ruđat. Loddesuollagat sáhttetge leat gos beare gos lottit bessejit, go buot dohkkejit. Ollila logahallá, ahte Lappi lottiin beroštahttet earret eará jeaggelottit, muhtin skuolfešlájat, duottarfálli.

– Lappis eanemus ohcet daid lottiid moniid, mat bessejit dáppe muhto eai lullelis, muitala Ollila.

Dáid áiggiid luonddus johtet olu olbmot ovdamearkka dihte geahčadeame lottiid, eaige sis leat makkárge dahkamuš lottemoniid suoládemiin. Muhto jus oaidná dakkár doaimma, mii čujuha moniid čoaggimii, besiid hehttemii dahje lottiid lobihis goddimii nu ieš ii gánnet seahkanit áššái, baicce almmuhit áššis juogo bolesii, Meahciráđđehussii dahje Birdlife Suomii.

Meahciráđđehusa bajit dárkkisteaddji Tuomo Ollila muitala, ahte loddemoniid čoaggimis lea guhkes historjjá. Jietna: Inger-Elle Suoninen / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä