Sápmi |

Guldal jiena: Ohcejoga gielda lea gártan bargat ođđa plánaid Njuorggáma máŋggadoaimmadálu huksemii

Vuosttas fálaldatgilvu čájehii, ahte huksengolut orro badjáneamen iige várrejuvvon ruhta reahkkánge boares huksenplánaide.

Euroopan Unionin pohjoisinta kuntaa Utsjokea johtaa varatuomariVuokko Tieva-Niittyvuopio.
Vuokko Tieva-Niittyvuopio mielde gielda bidjá ođđa fálaldatgilvvu johtui nu johtilit go vejolaš. Jurddan lea, ahte huksenbarggut álggášedje jo geassit. Govva: Tapani Leisti / Yle

Njuorggáma máŋggadoaimmadálu huksen ii beassan johtui vuosttas fálaldatgilvvu maŋŋá. Gilvu čájehii, ahte huksengolut orrot vuorddekeahttá badjánan ja manne badjel dan, mii lei várrejuvvon budjeahtas.

– Gielda gárttai geahčadit plánaid ođđasit, nu ahte beaiveruoktu ja vuolleskuvlalanjat huksejuvvojit, muhto lihkadansále ii goittot vel, muitala Ohcejoga gielddahoavda Vuokko Tieva-Niittyvuopio.

Njuorggáma máŋggadoaimmadálu budjeahtta lea sullii 1,6 miljon euro. Dasa gullá buot, eanaliggema ja viessogálvvuid ráje.

Ođđa fálaldatgilvu johtui nu johtilit go vejolaš

Vuokko Tieva-Niittyvuopio mielde gielda bidjá ođđa fálaldatgilvvu johtui nu johtilit go vejolaš ja jurddan lea, ahte huksenbarggut álggášedje jo geassit.

– Ođđa fálaldagaid vuordit ja sávvat, ahte dán háve reahkká dat ruhta, mii lea dasa várrejuvvon. Mihttomearrin lea, ahte ođđa lanjat livčče gárvá giđđat 2021, dadjá Tieva-Niittyvuopio.

Ohcejoga gielddas leat huksemin olles fártta ođđa skuvllaid maid Ohcejohnjálbmái ja Gáregasnjárgii. Dat galggašedje gárvánit boahtte čavčča.

Guldal Vuokko Tieva-Niittyvuopio jearahallama. Jietna: Jouni Aikio / Yle

Divvojuvvon 12.5. dii. 20.10 máŋggadoaimmadálu budjeahtta.

Varrasamosat: Sápmi

Váldoođđasat

Varrasamosat

Muualla Yle.fi:ssä