Sápmi |

Guldal jiena: Ohcejoga girkostobuin dáhpáhuvvá lávvardaga – dološ čoahkkananbáikkis mánát besset riidet

Riidema lassin prográmmas lea musihkka ja duodjebargobádji.

Kirkkotuvat / Girkostobut
Dáhpáhus álgá gaskabeaiáigge Ohcejoga girkostobuin. Govva: Vesa Toppari / Yle

Lávvardaga Ohcejoga girkostobuin dáhpáhuvvá, go Sámedikki mánáidkulturguovddáš Mánnu, Ohcejoga gieldda kulturdoaibma ja Girkostobut-searvi ordnejit ovttas Girkostobuin dáhpáhuvvá -nammasaš dáhpáhusa.

Dego dáhpáhusa nammage muitala, dáhpáhus ordnejuvvo Ohcejoga girkostobuin, mii lea juo dolin leamašan olbmuid čoahkkananbáiki.

Ohcejoga gieldda astoáiggečálli Kaisa Tapiola-Länsman muitala, ahte dát lea juo viđat geardde go dáhpáhus ordnejuvvo, muhto dál vuosttaš háve Ohcejoga gielda lea mielde ordnemin dáhpáhusa.

Kaisa Tapiola-Länsman
Kaisa Tapiola-Länsman muitala, ahte buohkat leat buresboahtin dáhpáhussii, muhto lea dehálaš muitit maiddái dorvvolašvuođa. Govva: Vesa Toppari / Yle

Juohke jagi dáhpáhusas lea leamašan muhtun temá ja dán jagi temán leat heasttat. Ohcejogas ii leat vejolaš riidet, de danin Anára bealde boahtá olmmoš heasttaiguin Ohcejohkii, muitala Tapiola-Länsman.

– Heasttat leat dál hui bivnnuhat ja Ohcejogas mánáin ii leat vejolašvuohta riidet. Fállat maiddái dákkár suohttasa daidda mánáide, geaidda ii leat vejolašvuohta dávjá oaidnit heasttaid.

Kaisa Tapiola-Länsman muitala makkár prográmma girkostobuin dáhpáhuvvá -nammasaš dáhpáhusas lea. Jietna: Sáárá Seipiharju / Yle

Riidenbargobáji lassin prográmmas lea duodjebargobádji. Heastabargobáji jođiha Katja Tukiainen ja duodjebargobáji Nilla Pieski ja Mathis Ole Vars. Dáhpáhus álgá diibmu 12 Laura Tapiola ja Hildá Länsman musihkkabottuin.

Tapiola-Länsman muittuha, ahte maiddái girkostobuid kafea lea rabas ja doppe sáhttá oastit váffeliid ja káfe.

Dáhpáhussii ii dárbbaš almmuhit ovddalgihtii, muhto juos lea veháge illáveaje, de ii oaččo searvat. Vaikko buohkat leat buresboahtin dáhpáhussii, de lea dehálaš muitit maiddái dorvvolašvuođa, nappo buori giehtahygiena ja dorvogaskkaid, muitala Tapiola-Länsman.

Petra Magga-Vars
Petra Magga-Vars oaidná, ahte dáhpáhus nanne ovttasbarggu Sámis. Govva: Linnea Rasmus / Yle

Sámi mánáidkulturguovddáš Mánu jođiheaddji Petra Biret Magga-Vars muitala, ahte girkostobut leat hui vuogas báiki ordnet mánnabearrašiidda doaibmabeaivvi. Báiki geasuha Magga-Vars maiddái ordnejeaddjin.

– Dat lea kulturbiras, mii gullá maiddái mánáide ja báikkálaš olbmuide.

Petra Biret Magga-Vars muitala girkostobuin dáhpáhuvvá -dáhpáhusa birra. Jietna: Erkki Gauriloff / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä