Sápmi |

Guldal jiena: Ohcejoga nuoraidstivrra ovddidanprošektii juolluduvvon 8000 euro – "Unnán lea ruhta, muhto jáhkán mannat bures"

Asttuáiggečálli Kaisa Tapiola-Länsman mielde ulbmilin lea movttiidahttit nuoraid ja nannet fierpmádagaid eará doaimmain.

Kaisa Tapiola-Länsman
Ohcejoga gieldda asttuáiggečálli Kaisa Tapiola-Länsman sávvá, ahte ovddidanprošeavtta maŋŋá gielda fidnešii Nuoraistivramieđis gielda -sertifikahta. Govva: Vesa Toppari / Yle

Ohcejoga nuoraidstivrra ovddidanprošektii lea juolluduvvon 8 000 euro ruhtadeapmi. Ruhtadeami lea juolludan Lappi guovlohálddahusdoaimmahat.

Ohcejoga gieldda asttuáiggečálli Kaisa Tapiola-Länsman muitala, ahte ovddidanprošeavtta deháleamos mihttomearrin lea movttiidahttit doaimmaide lasi nuoraid fárrui. Dasto go leat fidnen nuoraid, de áigot ovddidit ovttasbarggu eará doaimmain, nugo earret eará Pohjoinen Vinkkeli fierpmádagain ja Norgga Deanuleagi gielddain. Eará ovttasbargiin Tapiola-Länsman namuha Sámedikki Nuoraidráđi ja Suoma Sámi Nuorat -searvvi.

Ovttasbargguid lassin ulbmilin lea ovddidit sámi áššiid Ohcejoga nuoraidstivrras ja gieldda siste nuoraid doaimmain, sihke oahpásmuvvat riikkabeivviide.

– Livččii maid somá, juos minge gielda deavddášii ovddidanprošeavtta maŋŋá Nuoraidstivramieđis gielda -sertifikáhta eavttuid, dadjá Tapiola-Länsman.

Máŋggalágan ovddidanplánat

Prošektii eai leat boahtimin asttuáiggečálli ja nuoraidbargi lassin eará bargit. Kaisa Tapiola-Länsman mieđiha, ahte ruđa ohce prošektii eambbo go maid juolludedje.

Plánan livččii goittotge oassálastit leirii Durdnosis, mátkkoštit Deanuleagis Norgga bealde, fitnat Anáris ja maiddái Helssegis, juos dat lea vejolaš.

– 8000 euro ii leat stuorra supmi prošektii. Ruhta manná mátkkoštemiide ja dáhpáhusaid ordnemii. Unnán lea ruhta, muhto jáhkán ahte dat manná bures, dadjá Tapiola-Länsman.

Guldal Kaisa Tapiola-Länsmana jearahallama dás. Jietna: Anja Kaarret / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä