Sápmi |

Guldal jiena: Riddu riđđu -festivála álgá boahtte vahkus – festiválaguovllu lahka sáhttá váldit jođánis koronaiskosa

Dán jagi Riddu riđđu -festiválii sáhttet oassálastit dušše 500 olbmo, muitala festiválabuvttadeaddji Sandra Márjá West.

Sandra Márjá West
Riddu riđđu -festivála buvttadeaddji Sandra Márjá West illuda, go festivála beassat guhkes vuordima maŋŋá ordnet fas. Govva: Ørjan Marakatt Bertelsen

Guldal maid Sandra Márjá West muitalii festiválas. Jietna: Áilun Gaup / NRK

Eamiálbmotfestivála Riddu riđđu ordnejuvvo boahtte vahkus Gáivuonas Norggas. Festivála ordnejuvvo goittotge binná eará láhkai go ovddit jagiin.

Festiválas čuovvut koronanjuolggadusaid dárkilit ja geavahit koronasertifikáhta, mii doaibmá Norggas. Juos festiválaguossis ii leat sertifikáhtta, de lea vejolaš váldit jođánis koronaiskosa festiválaguovllu láhka.

Okta stuorimus erohusain ovddit jagiid ektui lea dat, ahte festiválii sáhttet oassálastit dušše 500 olbmo, muitala festiválabuvttadeaddji Sanda Márjá West.

– Nubbi erohus lea, ahte mánáidfestivála ja nuoraid prográmma lea vuossárggas gaskavahkkui ja ieš festivála álgá duorastaga nu, ahte dat eai leat oktanaga dán jagi, son čilge.

West muitala, ahte dán jagi sii eai leat ordnen kámpa festiválaguossiide.

Festiválaprográmmas leat konsearttat, dáiddačájálmasat, digaštallamat ja filmmat

Riddu riđđu -festiválabuvttadeaddji Sandra Márjá West illuda, go besset lágidit festivála.

– Dat lea hui somá, ahte viimmat beassat fas lágidit. Dat leamašan oalle láittas festiválaid hárrái mannan geasi, West jurddaša.

Festivála álgá vuossárgga 12.7. mánáidfestiválain ja nuoraidprográmmain. Duorastaga rájes álgá festivála, man prográmmas leat konsearttat, dáiddačájálmasat, digaštallamat ja filbmaprográmma.

– Mis leat dán jagi sámeartisttat dego Isak, Agnete, Felgen Orkester, Kajsa Balto ja olu eará artisttat maiddái. Mun lean hui duđavaš konseartta prográmmii, lohká West.

Beaivvi ságaid ja Yle Ođđasiid Sámis sáhtát maid guldalit Yle Areenas.

Varrasamosat: Sápmi

Váldoođđasat

Varrasamosat

Muualla Yle.fi:ssä