Sápmi |

Guldal jiena: Siida čoaggá muitalusaid Eanodat guovllus ođasmahttojuvvon vuođđočájáhussii

Muitalusaid čohkkeba Reetta Tornensis ja Minna Näkkäläjärvi dán vahkkoloahpa áigge.

Minna Näkkäläjärvi
Minna Näkkäläjärvi lea čoaggimin muitalusaid Eanodat guovllus. Govva: Jaana Kurkkio

Sámemusea Siida čoaggá dán vahkkoloahpa muitalusaid duoji, boazodoalu ja luđiid birra Eanodaga guovllus. Muitalusat leat vuođđun Siidda ođasmahttojuvvon vuođđočájáhusas.

Muitalusaid čohkkeba Reetta Tornensis ja Minna Näkkäläjärvi. Soai bovdeba olbmuid Gárasavvonii dán vahkkoloahpa máinnastit, muitalit ja čájehit govaid ja boares dávviriid. Jus ii beasa báikki ala, de sáhttá váldit oktavuođa sudnuide ja bovdet fitnat iežas ruovttus goas alcces heive.

– Dál go koronaráddjehusaid leat ložžen, de oažžu beare boahtit dohko munno lusa dahje de bovdet goappánu finastit iežas luhtte, muitala Näkkäläjärvi.

Tornensis ja Näkkäläjärvi leaba deaivamis Gárasavvonis, Giehttaruohtasa bálgosa doaimmahagas bearjadagas gitta sotnabeaivái diibmu 10-17 gaskkas.

Juohke oassálasti oažžu jahkekoartta ođasmahttojuvvon Siida-museai, go Sámemusea ja luondduguovddáš Siidda ođđa vuođđočájáhus rahpasa giđđat 2022.

Muitalusaid čogget Muitát - repatriašuvnnas revitalisašuvdnii sámi museavugiiguin ja Muittut, muitalusat -prošeavttaid olis.

Guldal Minna Näkkäläjärvi jearahallama dás. Jietna: Jouni Aikio / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä