Sápmi |

Guldal jiena: Skábmagovat-festivála filbmaprográmma lea almmustahtton – lágiduvvo ollásit virtuálalaččat

Skábmagovaid neahttafestivála lágiduvvo 29.–31.1.2021.

Skábmagovat buvttadeaddji Taru Arrela
Skábmagovat-festivála buvttadeaddji Taru Arrela muitala, ahte lágideaddjit rahpet neahttasiiddu, man bokte beassá oastit bileahtaid filmmaid geahččama várás. Govva: Kirsti Länsman / Yle

23. Skábmagovat álgoálbmotfestiválas lea šaddamin áibbas earálágan go dábálaččat. Koronaepidemiija dihte festivála lágiduvvo dán háve ollásit neahtas, ja filmmaid lassin doppe beassá čuovvut maid earret eará ságastallandilálašvuođaid ja konseartta.

– Dát lea hirbmat buorre dilálašvuohta čájehit filmmaid olles máilbmái, illuda buvttadeaddji Taru Arrela.

Filbmaprográmma lea dál almmustahtton festivála neahttasiiddus. Festivála temán jagis 2021 leat searvvušlašvuohta ja sámefilmmat. Mielde leat filmmat maiddái earret eará Aotearoas, Kalaallit Nunaatas, Kanádas ja Ruoššas.

Lágideaddjit rahpet neahttasiiddu, man bokte beassá oastit bileahtaid filmmaid geahččama várás ja eará fálaldagaid čuovvuma várás.

– Geahčči manná neahttasiidui ja oastá doppe dábálaš neahttaoastimin, dasto filbma rahpasa geahččanláhkai, muitala Arrela.

Neahttafestivála rahpasa 29.1. diibmu 19 ja filmmaid lea vejolaš geahččat 31.1. diibmu 19 rádjái.

Guldal Skábmagovat-festivála buvttadeaddji Taru Arrela jearahallama suomagillii dás. Jietna: Kaisa Aikio / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä