Sápmi |

Guldal jiena: Tuuni Partti váillahii báikki, gos ságastit sámegillii ja ásahii dan várás Facebook-joavkku

Mátta-Suomas ássi Tuuni Partti lea váillahan báikki, gos beasášii ráfis čállit sámegillii iige giige nimmordivčče das.

Angelit
Angelit-joavku. Tuuni Partti guovdu. Govva: Angelit

Tuuni Partti lea jo guhká ássan Mátta-Suomas. Son muitala, ahte ássá dakkár báikkis, gos eai leat ollenge sámegielat olbmot.

Partti váillahišgođiige báikki, gos beasášii ráfis čállit sámegillii iige giige nimmordivčče das. Son mearridii ásahit Facebook-joavkku, man namma lea "Čállit sámegillii".

– Máŋgga háve leamašan, ahte go mun lean Anár gili siidduide čállán, de boahte dakkár, ahte manin don čálát sámegillii, muitala Partti.

Doppe sáhttá ságastit juohkebeaivválaš áššiin. Son lea dan joavkkus ieš jearahallan olbmuin juovlalávlagiid sániid ja koronadilis davvin.

– Ii dárbbaš leat mihkkige super ášši, muhto dakkár unna áššiid. Mun sáhtán bidjat vaikko, ahte mobat dus manná ja don sáhtát ruovttoluotta munnje čállit. Dat livčče dakkár báiki, gos olbmot sáhtášedje nugo čállit ja háleštit, čállinláhkai háleštit, dadjá Partti.

Tuuni Partti sávvá, ahte su Facebook-joavkku gávdnašedje nu máŋgasat go vejolaš miehtá Sámi.

Guldal Tuuni Partti jearahallama dás. Jietna: Yle Areena

Varrasamosat: Sápmi

Váldoođđasat

Varrasamosat

Muualla Yle.fi:ssä