Sápmi |

Guldal Yle Areenas dovdduid Sámi álbmotbeaivvis 2018

Dán artihkkalii leat čohkkejuvvon ságat Sámi álbmotbeaivvis 6.2.2018.

Saamelaisten kansallispäivä Inarissa 2018.
Govva: Ville-Riiko Fofonoff / Yle

Sámi álbmotbeaivvi ávvudeapmi Anáris álggii iđđes sámileavgga geassimin stággui Sámemusea Siidda šiljus. Guldal dáppe makkár dovdduin Kari Torikka ja Áile Aikio ávvudeigga Sámi álbmotbeaivve maŋŋebárgga.

Jietna: Saamelaisten kansallispäivä Inarissa 2018.
Jietna

Olbmot herskostalle sámi mállásiin Anára searvegoddeviesus

Sámi álbmotbeaivve fálle maid sámi mállásiid Anára girkosiidda searvegoddeviesus. Mállásiid ledje ordnen SámiSoster-searvi ja Anára searvegoddi. Mállásiidda leigga boahtán maiddái Pekka Pekkala ja Elli Näkkäläjärvi Anáris. Guldal dáppe manne sudnuide lea dehálaš čoahkkanit eará sápmelaččain ávvudit álbmotbeaivvi.

Jietna: Saamelaisten kansallispäivä Inarissa 2018.
Jietna

Eanodagas illá dihttui Sámi álbmotbeaivi

Eanodagas Heahtás Sámi álbmotbeaivi ii olus oidnon eará go leavgastákkuin. Gávttehasat eai dihttostan márkanis go moattis. Almmolaš sámi álbmotbeai´prográmma ii lean ordnejuvvon Eanodagas ollenge, dušše Sámisoster fálai gáhkuid ja gáfiid Luovatupas Heahtás.

Doaimmaheaddji Ánne-Sárá Paltto gávnnadii Nils-Heaika ja Helena Valkeapääin sihke Karen-Anna Proksiin. Sáhkan šattaige, ahte gosa lea gákti šaddan álbmotbeaivve. Manne olbmot eai čiŋat Eanodagas vaikko lea sápmelaččaid beaivi? Guldal ságastallamiid dáppe.

Avvila skuvlla sále dievihii guktii Sámi álbmotbeaivve konsearttain

Avvil skuvllat ávvudedje dán vuoro Sámi álbmotbeaivvi iežaset vuolleskuvllas. Doppe oahppit lávlo alcceseaset dehalaš lávlagiid, earret earáid Mari Boine šuoŋa Diamanta spáillit. Lávddi alde das ledje lávlumin ja čuojaheamen Anna ja Ellen Tervahauta, Maarit Niittyvuopio, Iida Tervahauta ja Aini Linna.

Guldal dáppe konseartta láidesteaddji Jenna Portti jurdagiid Sámi álbmotbeaivvis ja Ellen Tervahauta, guhte lávllui roahkkadit ja čábbát.

Jietna: avvila skuvla konsearta
Jietna

Makkár lea eallin Sámis boahttevuođas? – Mánát vástidit

Anára skuvlalaččat muitalit doaimmaheaddji Anja Kaarretii makkár sin mielas eallin Sámis lea boahttevuođas. Guldal dáppe maid mánát leat vástidan.

Jietna: Saamelaisten kansallispäivä Inarissa 2018.
Jietna

Varrasamosat: Sápmi

Váldoođđasat

Varrasamosat

Muualla Yle.fi:ssä