Sápmi |

Guokte suopmelaš albmá váidojuvvon rádjaloavkideamis Mátta-Várjjagis

Finnmárkku boles lea dutkamin ášši.

Piikkilankaa Suomen ja Venäjän rajalla
Govva Suoma ja Ruošša rájás. Govva: Kari Saastamoinen / Yle

Norgga bealuštanfámut leat bargan almmuhusa guovtti suopmelaš albmás rádjeloavkideami dihte. Rádjaloavkideapmi dáhpáhuvai vuossárgga Mátta-Várjjagis sullii 60 kilomehtera Girkonjárggas Ruošša rájá guvlui, muitala KirkenesBy-neahttaaviisa.

Finnmárkku boles muitala, ahte vuossárgga eahketbeaivve guokte Suoma riikkavuloža bálkkastalaiga geđggiid riikkarájá badjel Ruošša beallái.

– Dat rihkku riikkarádjálága ja danin sudnos lea dahkkon almmuhus, dadjá operašuvnajođiheaddji Jørn Haagenrud bolesis.

Norgga riikkarádjalágas daddjo, ahte rádjaloavkideamis sáhttá vearrámus dáhpáhusas oažžut joba fáŋgalduomu.

Haagenrud muitala, ahte dábálaččat dákkár dáhpáhusain čállet sáhkuid. Finnmárkku boles lea dál dutkamin ášši.

Varrasamosat: Sápmi

Váldoođđasat

Varrasamosat

Muualla Yle.fi:ssä