Sápmi |

Guoládaga sámi parlameantta ságadoalli oassálastin máilmmikonferánsii eastaduvvui

Ruošša 7x7-journal-neahttaaviisa muitala, ahte Valentina Sovkina biilla rieggát čuggojuvvojedje, su bissehedje máŋgii, su nubbi biila dutkojuvvui máŋgii ja son ieš fallehuvvui. Dutkamiidda eai bastán namuhit albma siva, muhto bolesat doalahedje su nu guhká, ahte son ii geargan su girdái Girkonjárgii. Sovkina muitala Yle Sápmái, ahte son geahččala goittotge oažžut ođđa bileahtaid ja mátkkoštit ođđasit máilmmikonferánsii, daningo dat lea hui dehalaš.

Valentina Sovkina
"Falleheami maŋŋá, Zapolyarny Armenia -gávpoga bolesstašuvnnas. Lasi duolvabiktasat, gaikojuvvon jáhkka ja sáhpodan juolggit ja gorut", Valentina Sovkina čállá dán gova vuolde Facebookas. Govva: Priváhttagovva

Guoládaga sámi parlameantta ságadoalli Valentina Sovkina oassálastin ON eamiálbmogiid máilmmikonferánsii lea eastaduvvon.

Ruošša 7x7-journal-neahttaaviisa muitala, ahte lávvardaga Sovkina biilla rieggát čuggojuvvojedje, su bissehedje máŋgii, su nubbi biila dutkojuvvui máŋgii ja son ieš fallehuvvui. Falleheaddji geahččalii suoládit Sovkina feaskku.

Dutkamiidda eai bastán namuhit albma siva, muhto bolesat doalahedje su nu guhká, ahte son ii geargan su girdái Girkonjárgii.

Valentiva Sovkina muitala sotnabeaivve Yle Sápmái, ahte son geahččala goittotge oažžut ođđa bileahtaid ja mátkkoštit ođđasit máilmmikonferánsii, daningo dat lea hui dehalaš sutnje.

NRK Sámi dieđuid mielde Sovkina lea sotnabeaivve veaigin beassán Girkonjárgii ja lea vuordimin ođđa girdivuoru.

Govat ja eará ođđasat dáhpáhusas

Valentiva Sovkina lea juohkán govaid dáhpáhusain iežas Facebook-siiddus.

Okta govva lea váldojuvvon bolesstašuvnna olggobealde.

– Falleheami maŋŋá, Zapolyarny Armenia -gávpoga bolesstašuvnnas. Lasi duolvabiktasat, gaikojuvvon jáhkka ja sáhpodan juolggit ja gorut, Sovkina čállá govvateavsttas.

7x7-journal-neahttaaviissa čálus Falleheapmi Guoládaga Sámi parlameantta ságadoalli vuostá lea dáppe (ruoššagillii). NRK Sápmi čállá áššis dárogillii. IWGIA čállá eaŋgasgillii dáppe.

Mii muitalit áššis lasi vuossárgga.

Ovttastuvvan Našuvnnaid eamiálbmogiid máilmmikonferánsa álgá vuossárgga New York Citys, USA:s.

Varrasamosat: Sápmi

Váldoođđasat

Varrasamosat

Muualla Yle.fi:ssä