Sápmi |

"Háliiditgo nuorat oba goassege álgit nuoraidráđđái?" – Ođđa nuoraidráđi válljen diavasčoahkkimis ságastahttá sosiálalaš medias

Ođđa nuoraidráđđi válljejuvvui mánnodaga Sámedikki dievasčoahkkimis. Guldal makkár dovddut nuoraidráđi ságadoalli Laura Pieskii báhce čoahkkimis.

Jietna: Laura Pieski
Jietna

Sámedikki nuoraidráđđi válljejuvvui mánnodaga Sámedikki dievasčoahkkimis. Evttohasaid ássanbáikki ságastahtii Sajosa-solju sále jorbabeavddis. Čoahkkin streamejuvvui ja dalán neahtas álggii ságastallan das leigo ságastallan áššálaš.

Pieski muitala, ahte nuoraidráđi imago ii leat ovdal dán leamašan buorre, ja son balláge mot dát boahtá boahttevuođas váikkuhit dasa háliiditgo nuorat álgit nuoraidráđi lahttun.

– Mis lea leamašan nuoraidráđis das sáhka, ahte dat nuoraidráđi imago, dat ii leat vealttekeahttá nu buorre. Jáhkkan, ahte dál dán čoahkkima maŋŋá leat sihkkarit oallusat nuorat, geat vihkkehallet, ahte háliiditgo sii oba goassege álgit nuoraidráđđái jus geardde nuoraidráđđi oažžu dákkár vuostáiváldima doppe sámedikki dievasčoahkkimiin, lohká Pieski.

Guldal Laura Pieski olles jearahallama bajábealde.

Pieski lea maid čállán áššis nuoraidráđi Facebook-siidduide.

Nuoraidráđđi válljejuvvui áigodahkii 2018-2019.

Dá lea ođđa nuoraidráđđi:

1. Jussa Seurujärvi

2. Anni-Saara Aikio

3. Anni-Sofia Löf

4. Risten Mustonen

5. Ánte Veijola

6. Niila Rahko

7. Maria Mäkinen

Persovnnalaš várrelahtut lahtuide

1. Sunna Aikio

2. Leevi Olli

3. Marianne Ketola

4. Jouni Hetta

5. Niki Rasmus

6. Martta Alajärvi

7. Leena Fofonoff

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä