Sápmi |

"Heargegonagasgilvvuid bánat leat nu buorre ortnegis, ahte máilmmiolahusat leat vejolaččat"

Heargegonagasgilvvuid bánat leat nu buorre ortnegis, ahte maid máilmmiolahusáigggit leat vejolaččat, dadjá gilvvuid jođiheaddji Sirpa Valkama Bálgosiid ovttastusas. Dán jagi gonagasluohkká lea duođaid davviriikalaš gilvu, go mielde leat hearggit Suomas, Norggas ja Ruoŧas.

Sirpa Valkama
Gilvvuid jođiheaddji Sirpa Valkama lei gaskavahku dievas leavttuin ordnemin vahkuloahpa gilvvuid. Govva: Mikkâl Morottaja / Yle

Boahtte vahkoloahpa lágiduvvojit Anáris árbevirolaš Heargegonagasgilvvut dál jo 63. geardde.

Gilvvuide leat ráhkkaneamen olles leavttuin ja bánas boahtá hui buorre, dadjá gilvvuid jođiheaddji Sirpa Valkama Bálgosiid ovttastusas.

– Bánat leat máilmmiolahusortnegis, maiddái dáid gilvoolbmuid mielas. Dieđusge dan ferte vel ordnet lohppii, muhto dál ii leat mihkkege soavlesiivvuid iige bánas leat dipma muohta, muhto baicce bána lea justa heivvolaš, Valkama dadjá.

Gonagasluohkká lea dán jagi duođaid davviriikalaš gilvu

Oktiibuot Anárii vurdet vahkulohppii 150 hearggi. Dán jagi gonagasluohkká lea duođaid davviriikalaš gilvu, go guhkes bottu maŋŋá mielde leat hearggit maid eará riikkain go Suomas.

– Oaiveášši lea dieđusge dát gonagasluohkká, mas leat mielde maid guokte Norgga hearggi ja okta Ruoŧa heargi. Dan dáfus lea dieđusge historjjálaš gonagasgilvu, Valkama muitala.

Njoarostanrátkimat lávvardaga

Gonagasluohká lassin vahkoloahpas leat earáge gilvvut.

– Dáppe gilvalit maid báhkka, rabas, sprinta- ja junioraid sprintaluohkáin. Klipsavuodjimiidda bearjadaga leat almmuhan 31 hearggi. Oktiibuot sullii 150 gilvohearggi leat boahtimin deike.

Lassin heargegonagasgilvvuide gullet njoarostangilvvut.

Lávvardaga rátkimiin leat mielde 13 nissonolbmo (Joavku 1: Magreta Sara, Mari Konttaniemi, Piia Magga, Anne Risten Gaino Sara; Joavku 2: Elen Anne Sara, Rauna-Maaria Näkkäläjärvi, Jonna Alava, Jenni Maria Kaaretkoski-Lakela; Joavku 3: Eeva-Maria Äärelä, Marjinga Sara, Kirsi Mäkitalo, Sara Autio, Inkeri Magga) ja 26 dievddu (Joavku 1: Jarno Konttaniemi, Taneli Magga, Mika Keskitalo, Oula Autio, Nils-Heikki Paltto; Joavku 2: Reijo Kynkäänniemi, Lemet A. Eira, Oula Sara, Mauri Portimo, Ole Mathis J. Eira; Joavku 3: Mika O. Marjala, Eero Hetta, Mikkel Mathis Haetta, Nils Mahtte Eira, Antti Äärelä; Joavku 4: Mahtte Niillas Gaup, Matti Ylilokka, Petri Mattus, Jukka Kaaretkoski, Jouni Lakela; Joavku 5: Sami Siirtola, Heikki Kynkäänniemi, Oula-Antti Labba, Niko Näkkäläjärvi, Johan Ailo Gaup, Johan Ivvar Gaup).

Varrasamosat: Sápmi

Váldoođđasat

Varrasamosat

Muualla Yle.fi:ssä