Säämi |

Heikki Nikula fáárust Loirinuotiolla -ohjelmist

Heikki Nikula uásálistij ohjelm kuvviimân čohčuv. – Uáli hävskihân tot lâi. Ijhân jyehi kokkâ peesâ presidentin mälistiđ, sun iätá.

Heikki Nikula
– Ijhân jyehi kokkâ peesâ presidentin málistiđ. Mudoi-uv kyessilistoost lijjii tagareh ulmuuh, ete šoddii jo positivlii mielâst tedduuh, Nikula povvâst. Govva: Eljas Niskanen / Yle Säämi

Anarâš Heikki Nikula lii fáárust tv-kanava Nelonen ohjelmist, Loirinuotiolla. Rááiđust čáittáleijee Vesa-Matti Loirist láá kyesih, kiäigijn sun savâstâl puohlágánijn aašijn.

Loiri läävee ohjelmist meid puurrâđ kuosijgijn já purrâmušâid määlist Heikki Nikula. Nikula mielâst ohjelm rähtimân uásálistem lâi uáli suotâs fiäráán.

– Ijhân jyehi kokkâ peesâ presidentin mälistiđ. Mudoi-uv kyessilistoost lijjii tagareh ulmuuh, ete šoddii jo positivlii mielâst tedduuh, sun povvâst.

Suomâ täsivääldi president Sauli Niinistö uážui purrâmuššân rááiđu vuossmuu uásist poccuupiärgu lasseen jäävvil, moos oroi meid lijkkuumin.

– Nuuvthân sun taaiđij ettâđ, ete aaibâs tego saameet purâččij. Páihálijn amnâsijn mälistim puoh kuossijd. Tääbbin láá nuuvt fijnâ kyeleh já eidu poccuupiärgu. Taan ive lâi meid eromâš pyeri kuobâršaddo. Ij lamaš tárbu skappuđ piärgu mäddin, kal tot tääbbin kávnoo, rámmoo Nikula tave luándu falâlduv.

Loirinuotiolla uási 2/10 puátá Nelonen-kanavast 11.1. tijme 20.00.

Varrasamosat: Säämi

Váldoođđasat

Varrasamosat

Muualla Yle.fi:ssä