Säämi |

Heli Huovinen vuálgá Kanadan čaittâliđ sämi- já creekielâg oopperan

Oopperapitá pyevtitteh Beaivváš -teatter oovtâst kanadalijn Signal Theatre já Soundstreams -juávhuiguin.

Heli Huovinen já Surri-peenuv.
Heli Huovinen čaittâl vuossâmuu tove oopperapittáást Govva: Mikkal Morottaja

Yle Säämist já Unna Junnást uápis Heli Huovinen vuálgá Kanadan čaittâliđ oopperan.

Oopperapitá nommâ lii Two Odysseys: Pimoteewin / Gállábártnit. Tom pyevtitteh Beaivváš -teatter oovtâst kanadalijn Signal Theatre já Soundstreams -juávhuiguin. Oopperapittáást uási lii sämikielân já nubbe uási cree-kielân.

Heli Huovinen ij lah jieš uáinám áámmátlâš ooppera, mutâ osko ete tobbeen sun uáppá puoh maid taarbâš. Sun ij lah val vises kalga-uv sun jieš lávluđ muštâleijee roolist.

Rawdna Carita Eira lii čáállám sämikielâg uási oopperapittáást já sunnust lii ohtâsâš pargo Torontost, nomâlâssân máttááttiđ já muštâliđ sämikulttuurist. Huovinen lii áinoo čaittâleijein kote máttá sämikielâ.

Eres čaittâleijeeh já lávlooh láá meddâl Kanadast . Vuosâeehid lii skammâmáánust já tom lii máhđulâš uáiniđ skammâmáánu 13.–17. peeivi Torontost. Oopperapittá lii rahtum ohtsâšpargoost Säämi aalmuglâš teatteráin, mutâ vala ij lah visesvuotâ puátá-uv ooppera uáinimnáál meid Sáámán.

Kuldâl Heli Huovis sahhiittâllâm moonnâm oho Sukkâršookist. Jietna: Sohkaršohkka / Yle

Varrasamosat: Säämi

Váldoođđasat

Varrasamosat

Muualla Yle.fi:ssä