Sápmi |

Helssegis ordnejuvvo stuorra seminára sápmelaččaid vásihan birashástalusain

Jearaldat lea Saisiko olla ympäristökonfliktisoppaa -prošeavtta loahpahansemináras, man fáddán leat sápmelaččat, árktalaš guovlu ja birasmearrádusat. Seminára oktavuođas dollojuvvo maiddái Porot kuuluvat tuulelle -dokumentára, mii muitala Giehtaruohttasa boazosápmelaččaid birashástalusain.

Anni-Kristiina Juuso
Govva lea váldon Anni-Kristiina Juuso videojearahallamis, mii gullá Lappi universitehta árktalaš guovddáža Saisiko olla ympäristökonfliktisoppaa? -prošeavtta áššedovdibáŋkui. Govva: Kuvakaappaus: https://www.youtube.com/watch?v=sZEYtk75qL0

Helssegis lágiduvvo ođđajagimánus stuorra seminára sápmelaččaid birashástalusain.

Jearaldat lea Saisiko olla ympäristökonfliktisoppaa -prošeavtta loahpahansemináras, man fáddán leat sápmelaččat, árktalaš guovlu ja birasmearrádusat.

Semináras hállet earret eará ođđa sámediggeáirras ja City-Sámit -searvvi ságadoalli Pentti Pieski, Jagi sápmelaš Outi Länsman, ovttaveardásašvuođaáittardeaddji Kirsi Pimiä ja Saisiko olla ympäristökonfliktisoppaa -prošeavtta dutkit.

Sáhkavuoruid lassin semináras lea maiddái panelaságastallan riikkaidgaskasaš vuoigatvuođa ja instituhtaid mearkkašumis sápmelaččaid guoski birasmearrádusain. Panelii oassálastet Helssega universitehta sámegiela ja -kultuvrra lektor Irja Seurujärvi-Kari, europarlamentarihkkár Sirpa Pietikäinen, Lappi universitehta dutkidoavttir Leena Heinämäki ja olgoministara ovddasteaddji.

Seminára dollojuvvo ođđajagimánu 22. beaivvi diibmu 12-16.15 Voimatalos.

Porot kuuluvat tuulelle -dokumentára oažžu vuosttas eahkeda

Seminárabeaivvi eahkedis almmustahttet ja čájehit vuosttas geardde Porot kuuluvat tuulelle -dokumentára, mii muitala Giehtaruohttasa boazosápmelaččaid birashástalusain.

Dáhpáhus álgá diibmu 19 Kulturguovddáš Caisas. Báikki nalde lea earret eará neavttár Anni-Kristiina Juuso. Eahketprográmma joatkašuvvá vel dan maŋŋá earret eará musihkkaovdanbuktimiiguin.

Sihke beaive- ja eahketdilálašvuođaide galgá almmuhit iežas maŋimustá 18.1. Lassidieđuid ja olles semináraprográmma sáhttá lohkat

Varrasamosat: Sápmi

Váldoođđasat

Varrasamosat

Muualla Yle.fi:ssä