Säämi |

Henna Lehtola algâttij ive aalgâst Kielâkäldee anarâškielâ pargen – "Munjin puáhtá suáittiđ kielâaašijn"

Kielâkäldee fáálá kielâravvim palvâlusâid anarâš-, nuorttâlâš- já tavekielân.

Henna Lehtola.
Henna Lehtola lii Kielâkäldee anarâškielâ pargee. Govva: Vesa Toppari / Yle

Kuldâl Henna Lehtola sahhiittâllâm.
Kielâkäldee uđđâ anarâškielâ pargee, filosofia maister Henna Lehtola Anarist tuáivu, et ulmuuh väldih sunjin ohtâvuođâ, jis tarbâšeh iše kielâaašijn.

Lehtola algâttij Kielâkäldee anarâškielâ pargen ive aalgâst. Säämi kielâkäldee lii toimâorgaan, mii huolâd sämikieláid kyeskee aašijn. Toimâ aalgij ive 2012 Ruotâst, Taažâst já Suomâst. Kielâkäldest ij lah pissoo ruttâdem, nuuvtpa tom tooimâst láá ain puudah. Taan ive aalgâst toimâ peesâi oppeet älgiđ, ko ruttâdem luhostui. Taan tove toimâ pištá vissásávt ive 2019 loopân.

Henna Lehtola pargon kulá rähtiđ uđđâ terminologia, normâdiđ čallum kielâ jyehi tiätu kielâst, porgâđ kielâ tipšom. Kielâpargest puáhtá meid koijâdiđ iše puoh kielâčuolmâin. Säämi Kielâkäldee fáálá kielâravvimpalvâlusâid anarâškielâst kuittâg 31.12.2019 räi. Lehtola avžut ulmuid ruokkâdávt koijâdiđ sust, jis kielâääših väivideh mielâ.

– Munjin puáhtá suáittiđ, já jis mun jiem tieđe, te vááldám čielgâs, loppeed Lehtola.

Lehtola fättee puhelimist 040 575 2979 já šleđgâpostáin henna.lehtola@samediggi.fi.

Kielâkäldee anarâškielâ pargen láá ovdil porgâm eereeb iärán Miina SeurujärviNeeta Jääskö.

Varrasamosat: Säämi

Váldoođđasat

Varrasamosat

Muualla Yle.fi:ssä