Sápmi

Huovinen: "Jiem lah ovdil lamaš fáárust tagarijn vuáituin!" – Säämi-cree ooppera vuoitij palhâšume Kanadast

Heli Huovinen
Heli Huovisest lâi lamaš juurdâ tast, ete ooppera sáttá vyeittiđ mottoom palhâšume. Govva: Linda Tammela / Yle

Čaittâleijee Heli Huovinen já kietâčällee Rawdna Carita Eira ilodává palhâšuumeest.

”Gállábártnit” nommâsâš ooppera vuoitij Dora Mavor Moore awards tuáluin Outstanding Performance by an Ensemble -palhâšume.

Heli Huovinen lii čaittâlâm maaŋgâlágán čaitâlmijn, mutâ taat lâi vuossâmuš tohe ko sun čaittâlij oopperast. Sun illood palhâšuumeest.

– Na hirmâd suotâs! Tom lii vaigâd iberdiđ ko lii ohtuu tääbbin ige lah uáinám pargojuávhu jesânijd kuhes ááigán.

Huovisân taat lii vuossâmuš tohe ko sun lii fáárust juávhust mii vuáittá maidnii.

– Jiem lah ovdil lamaš fáárust tagarijn vuáituin! Sun povvust.

Gállábártnit lâi iävtukkâssân nelji kategoriast já Huovinen lâi-uv vises, ete ooppera vuáittá mottoom palhâšume.

– Kale mun smiettim, ete tot sátáččij mottoom kategoriast vyeittiđ, mutâ jiem tiättám ete mii kategoriaid tot ličij.

Dán filmmažis muitalit, makkár čájálmasas lea sáhka. Govvamateriála lea govvejuvvon suoidnemánu hárjehusain. Video: Soundstreams

Rawdna Carita Eira lii čáállám sämikielâlâš uási oopperan, já sun illood palhâšuumeest.

– Rievti mield toh láá lávlooh já tot juávkku kiäh láá vuáittám palhâšume. Must kuittâg lii taggaar tobdo, et mij puohah lep uási vuáitu.

Eira muštâl, ete čaittâleijeeh já lávlooh porgii eromâš pyeri pargo.

Kuldâl maid Heli Huovinen já Rawdna Carita Eira jurdâččává palhâšuumeest.

Varrasamosat

Muualla Yle.fi:ssä