Sápmi |

Ijahis Idja streamejuvvo fas – Yle buvttada jearahallamiid ja miellegiddevaš sisdoalu guktuid beivviid

Eamiálbmogiid musihkkafestivála Ijahis Ija sáhttá čuovvut fas njuolggosáddagis neahtas.

Ijahis Idjan stream
Govva: Vesa Toppari / Yle

Ijahis Idja -festivála lea oaidninláhkai buohkaide interneahtas. Yle Sápmi ja Sámi oahpahusguovddáš buvttadit sihke bearjadaga ja lávvardaga njuolggo stream-sáddaga festiválas.

Ijahis Idja -festivála lágiduvvo dán vahkkoloahpas Anáris 16.8–17.8.2019.

Olgolávddi konsearttaid lassin Yle Sámi doaimmaheaddjit buvttadit stream gehččiide miellagiddevaš sisdoalu, jearahallamiid ovttas artisttaiguin ja festiválagussiiguin. Sáddaga jođiheaba Laura Pieski ja Xia Torikka.

Stream-sáddaga sáhttá čuovvut Sámi oahpahusguovddáža neahttasiidduin dáppe. Bearjadaga streama álgá diibmu 18.10.

Makkárat ledje diimmá Ijahis Ija dovddut? Guovlal dás jagi 2018 festivála govaid.

Video: Ijahis Idja 2018
Ijahis Idja 2018 govat, govvejeaddji Vesa Toppari. Video: Yle Areena

Eamiálbmogiid musihkkafestivála Ijahis Idja lea ordnejuvvon Anáris jagi 2004 rájes.

Dán vahkkoloahpas Ijahis Ija festiválalávddis gullat earret eará Mari Boine, Sančuari, Niko Valkeapää, Isák, Aydar Chupurov ja Katarina Barruk musihka.

Guovttebeaivásaš dáhpáhusa prográmmas leat sámemusihka lassin earret eará njoarostangilvvut, Ijahis Idja Arena -ságastallanpanela sámegielaid birra, diktakonsearta, márkanat ja seminárat.

Maid eará festiválain gánneha oaidnit ja vásihit? Loga vuolábealde Yle Sámi čohkken tipssaid Ijahis Idja -festiválii.

Ijahis ija buvttadeaddji vuosttaš festiválatipsa: Mánáidbeaivvi konserttas Wimme ja čottalávlu Aydar Churupov

Ijahis ija buvttadeaddji nubbi festiválatipsa: Mo čuodjá dološ hárpa? – Fállun maiddái juoga, gosa besset dušše jođáneamos bileahttaoastit

Ijahis ija buvttadeaddji goalmmát festiválatipsa: Eahketkonsearttat čohkkejit olbmuid oktii gullat varas sámi musihka

Ijahis ija buvttadeaddji njealját festiválatipsa: Giellajahki oidno ja gullo – Fárus giellaofelaččat, Ijahis idja -arena ja unnitlogugielaid artisttat

Varrasamosat: Sápmi

Váldoođđasat

Varrasamosat

Muualla Yle.fi:ssä