Sápmi |

Ijahis Ija eamiálbmotguossi hálida deaivvadit sámi aktivisttaiguin

Ijahis Ija prográmmii lea boahtán vel okta lasáhus. Eamiálbmotguossi Agrafena Sopochina, Oarje-Sibirijás eret, boahtá festiválii loaiddastit. Agrafena Sopochina háliida deaivvadit sámi aktivisttaiguin.

Agrafena Sopochina ja Maria Launonen
Agrafena Sopochina ja Maria Launonen loaiddasteaba Ijahis Ijas lávvordaga.

Ijahis Idja -festivála prográmmii lea boahtán vel okta lasáhus. Eamiálbmotguossi Agrafena Sopochina boahtá festiválii loaiddastit, suinna loaiddasta maiddái su nieida Maria Launonen. Soai leaba Oarje-Sibirijás eret.

Agrafena Sopochina ja Maria Launonen
Agrafena Sopochina ja Maria Launonen leaba eret Oarje-Sibirjjás ja gullába hantiálbmogii.

Sopochina gullá hanti-álbmogii. Son lea giellačeahppi ja su earenoamašsuorgi lea nuortahantigiella.

Sopochina lea čállán oahppogirjjiid ja sátnegirjjiid ja bargan Surgut -guovllu hantiarkiivvas.

Hálida deaivvadit sámi aktivisttaiguin

Sopochina lea beroštuvvan sámekultuvrras ja sámiid ealáhusain.

Danin son hálidivččiige deaivvadit festiválaid áigge sámi aktivisttaiguin ja artisttaiguin.

Lávddi alde lávvordaga

Agrafena Sopochina ja Maria Launonen loaiddasteaba Ijahis Ija lávddi alde lávvordaga.

Soai leaba mielde “Luohti, le’udd ja livđe” -konsearttas lávvardaga 20.8. dmu 19.00.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä