Säämi |

Inari Rocks -čáitáldâh lekkâsij jieht

Inka Maarika Kangasniemi keđgičiiŋâi čáitáldâh lii uáinimnáál Ruávinjaargâst 12.-28.1.2016. Kangasniemi rähtim čiiŋah láá meid taan ive 2016 Anarâš-kalenderist.

Video: Inka Maarika Kangasniemi
Yle Ođđasat 15.1.2016 (00:47-)

Inka Maarika Kangasniemi, čiŋŋâtaaiđâr Anarist, lii ráhtám 12 čiŋŋâd Aanaar kuávlu keeđgijn.

Taah čiiŋah láá tääl uáiminnáál Ruávinjaargâst, Laapi ollâopattuv Galleria Kilost 12.-28.1.2016.

Čáitálmas lii áávus vu-vá tme 8-21 já lá tme 9-16. Taah siämmááh čiiŋah kávnojeh meid taan ive Anarâš-kalenderist.

Marmor lii puoh suotâsumos aamnâs sunjin

Inka Maarika lii 37 ihásâš anarâš taaiđâr, kii lijkkoo tuoijuđ keđgijguin. Suu mielâmateriaal lii marmor, veikk tain čiiŋâin sun lii-uv kiävttám tuše taan kuávlu keeđgijd. Keđgi lii sunjin rähis aamnâs já sun kunnijâttee keeđgi.

– Muu koskâvuotâ kiäđgán amnâsin lii čuuvtij kunnijâttee, jiemge suovâ toin ávhástâllâm. Jis ovdamerkkân kávnoo keđgitiettum tááhust riges saje, te jiem  tuhhit, et puoh ton keđgiamnâstah váldoo já tuálvoo meddâl. Muu mielâst tot luávkkáá sehe tom saje já meid keeđgi, moh kuullâv oohtân. Ko nuurâm materiaal, mii sáttá motomin kiáppániđ, te koijadâm tast ain love, et uážum-uv väldiđ tom, muštâl Inka Maarika Kangasniemi.

Čiiŋai lasseen čáitálduvâst láá kyehti puáhháá, main láá keđgiheervah. Kalender lii anarâškiela seervi kuástidâm já tot lii vuolgattum juáhážán seervi jesânân. Kalenderijd puáhtá meid uástiđ, aainâs-uv Sámi Duodjist já Siidast.

Varrasamosat: Säämi

Váldoođđasat

Varrasamosat

Muualla Yle.fi:ssä