Sápmi |

Indiánalágan jávká Herra Heinämäki -mánáidprográmmas

Stereotiippalaš Päällikkö Punanata -figuvrra sadjái boahtá Sir Punataika -nammasaš basista ja diiddastalli.

Lato-orkesteri keikalla.
"Päällikkö Punanata" (olg.) ii šat oidno Herra Heinämäen Lato-orkesteri -mánáidprográmmas. Govva: Malla Hukkanen / Yle

Herra Heinämäen Lato-orkesteri -mánáidprográmma, mii bovttii mannan giđa Suomas ollu ságastallama kultuvrralaš ávkkástallamis, rievdaduvvo dál.

Mánáid tv-prográmmas leamaš indiánaláganin gárvodan "Päällikkö Punanata", mii ovddasta stereotiippalaš ja Amerihká álgoálbmogiid loavkašuhtti figuvrra. Earret eará sosiála media ságastallama ja Ylei boahtán máhcahaga dihte Yle mearridii jo mannan giđa sirdit prográmma eret mánáid Pikku Kakkonen -tv-prográmmas ja Mánáid Areenas ollásit Yle Elävä Arkisto -siidui.

Mannan giđa dáhpáhusain fuolakeahttá Herra Heinämäen Lato-orkesteri dahkkit leat olles fártta čállimin Pikku Kakkonenii ođđa prográmmaosiid. Prográmma goittotge rievdá ja Päällikkö Punanata sadjái boahtá Sir Punataika -nammasaš basista ja diiddastalli. Neavttárin joatká Mikko Löytty.

Yle kreatiiva sisdoaluid hoavda ja vástideaddji doaimmaheaddji Ville Vilén mieđihii mannan giđa, ahte Yle galgá ain dárkkibut ja hearkkibut smiehttat, makkár govaiguin dat muitala vehádagain. Maiddái Yle vuorrováikkuhushoavda Sami Koivisto deattuhii, ahte Yle galgá leat erenoamáš dárki sisdoaluinis, go sáhka lea mánáid fálaldagain.

Herra Heinämäen Lato-orkesteri dahkkit ieža muitaledje Aamulehtis, ahte sii leat leamaš diđolaččat das, ahte Päällikkö Punanata ovddasta kultuvrralaš buorringeavaheami ja oamastallama, man sii eai ádden jurddašit 20 jagi dassái, go hábmegohte figuvrra. Dahkkit leat iežaset sániid mielde plánen su sadjái ođđa figuvrra jo guhkit áigge.

Varrasamosat: Sápmi

Váldoođđasat

Varrasamosat

Muualla Yle.fi:ssä