Säämi |

Inka Kangasniemi tuoijum Inari Rocks -keđgičáitáldâh lekkâs puáttee vuossaargâ

Kangasniemi keđgitaiđust láá sehe puáris elementih, ete modern hammim. Inari Rocks –nommâsâš čáitáldâh lii uáinimnáál 12.–28.1.2016.

Video: Inka Maarika Kangasniemi
Yle Ođđasat 15.1.2016 (00:47-)

Anarâš keđgitaaiđâr Inka Maarika Kangasniemi keđgičáitâldâh lekkâs puáttee oho vuossaargâ Ruávinjaargâst Laapi ollâopâttuvâst tiijme 18.

Inari Rocks –nommâsâš čáitáldâh lii uáinimnáál galleria KILOst 12.–28.1.2016.

– Mun kunnijâtâm keeđgi materialin ennuv, jiemge tuhhit tom pajemiärálii ávhástâllâm. Jis ovdâmerkkân kávnoo taggaar saje kost lii ennuv mineraal, jiem tuhhit, ete puoh váldoo meddâl. Muu mielâst tot luávkkáá sehe tom saje, ete keeđgi, ko toh kuleh oohtân. Ko nuurâm materiaal, mii puáhtá motomin nuuhâđ, mun ain koijâdâm love väldiđ tom. Mun nuurâm material tuše muštaliđ tast ete tot lii, tast ete tot lii muččâd já Immeel ibbeerdmettum vyeimist, Inka Maarika Kangasniemi muštâl.

Kangasniemi keđgitaiđust láá sehe puáris elementih, ete modern hammim. Kangasniemi lii jieš anarâš já áásá Anarist.

– Mun laavtam mainâsijd keđgijd, moi elliim lii ennuv kuhheeb ko ulmui. Toh láá siäilum tagarin ko láá sämmilij historjá ääigi já keeđgih láá uáinám puoh suhâpuolvaid, Kangasniemi muštâl.

Inka Maarika Kangasniemi lii uuccâm lasetááiđuid sierâ teknikkáid nuuv Laapi ollâopâttuvâst ko meiddei Euroop eres ollâopâttuvâin já ollâškoovlâin. Suu taaiđâ lii uáinimnáál meiddei ovdâmerkkân Belfastist Tave-Irlantist.

Varrasamosat: Säämi

Váldoođđasat

Varrasamosat

Muualla Yle.fi:ssä