Säämi |

Jane Helppi pennuuh láá Suomâ miäštáreh muččâdvuođâst – sun lii jottáám penuvčáitálduvâin pirrâ Suomâ já miätá maailm

Njellimlâš Jane Helppi lii mađhâšâm kuhes maađhijd penuvčáitálduvváid. Tääl sust láá kyehti Suomâ miäštár pääihist, mutâ kištomääđhih iä val nuuvâ.

Jane Helppi
Njellimlâš Jane Helppi jotá pennuidiskuin penuvčáitálduvâin. Veikkâ sust láá kyehti Suomâ miäštár pääihist, te puáttee máánust áigu vuot mađhâšiđ kištoid. Govva: Jane Helppi

Njellimlâš Jane Helppi lii mađhâšâm pennuidiskuin kiddâ Hollandin peenuvčáitálduvâid.

Moonnâm oholoopâ Helppi vuojij oholoopân Oulun peenuvčáitálduvâid, ko taan ive iä lah lamaš aldeláhháá pennui muččâdvuotâkištoh. Sust láá kyehti pyrenij pennuu valvevaavtâ, Lenni já Lyyli.

Ij sun kuittâg tuušij tiet vuáijám Njellimist Oulun räi.

– Jis haalijd leđe Suomâ miäštár, te ferttee uážžuđ kulmâ sertifikaat, ete lah miäštár. Tääl must láá kyehti miäštár pääihist, illood Helppi.

Toos lasseen, et Helppi puáhtá ilodiđ et sust láá šiev pennuuh pääihist, te tain miäštárvuođâin puáhtá leđe iše meid talle jis kiinii haalijd šoddâdiđ viälppáid já keččâđ váhá magareh pennuuh láá faallâmnáál.

– Taggaar luámuhân tot lii munjin, iätá Helppi.

Jane Helppi
Jane Helppi pennuh Lyyli já Lenni. Vielgis pennuid ferttee huolâlávt poossâđ ovdil kištoid. Govva: Jane Helppi

Pennuuh kalgeh tiäđust-uv leđe tiällájum kištoost. Helppi meid ferttee ráhtádâttâđ pyereest kištoid.

– Musthân láá kyehti vielgis pennuu já toh eelih olgon, et iä lah siste ollágin. Poossâm lii ain taggaar aaibâs stuorrâ hommá, sun povvust.

Veikkâ Helppist láá tääl miäštáreh pääihist, te kištoid kalga kuittâg peessâđ. Čuávuváá tove Lenni, Lyyli já Helppi puáhtá uáiniđ mánuppaje keččin spesiaalčáitálduvvâst maadâ-Suomâst.

Kuldâl maid Jane Helppi muštâlij vuossaargâ Tiervâ-vuolgâttâsast. Jietna: Anja Kaarret / Yle

Kuldâl lase anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä