Sää´mjânnam |

Jânnamâkksaž jiiʹjjesvaaldšemvuõtt – mii lij saaʹmi siidsååbbar?

Saaʹmi siidsåbbar noorâʹtte kuhttuin sääʹmvuuʹdin tän neäʹttel-looppâst. Še nuõrid tuäivvad mieʹldd såbbrid.

Terhi Harju
Saaʹmi siidsåbbri ođđ piisar Terhi Harju vuârdd neäʹttel-looʹpp såbbrid. Govva: Mikkal Morottaja / Yle

Siidsååbbar lij säʹmmlai pââimõs tuʹmmstõkraajji, kååʹtt tuåimm sääʹmvuuʹdest. Pueʹtti neäʹttel-loppân ââʹnet tän ouddoummu vaalpoodd vuõssmõs siidsåbbar Njeäʹllem-Keväjäuʹrr da Čeʹvetjäuʹrr-Njauddâm -vuuʹdin.

– Såbbrest ǩiõttʼtõõlât ouddmiârkkân Tâʹvv-Lappi mäddkåʹddkääʹvv 2040 da tuõttvuõtt- da suåvâdvuõttproseeʹss, maainast siidsåbbar piisar Terhi Harju.

Jietna: Reportaas saaʹmi siidsåbbrest lij tuåimtam ǩiõllharjtõõlli Erkki Feodoroff. Mainstâttmõõžžâst Terhi Harju da Tuomas Kiprianoff.

Siidsååbbar noorââtt uuʹccmõsân õhtt vuâra eeʹjjest da toʹben ǩiõttʼtõõlât sääʹmvuuʹd vaikkteei aaʹššid. Siidsååbbar lââzzen vaaldšemtuåimma koʹlle sääʹmsuåvtõõzz da vaaʹlin vaʹlljuum ouddooumaž.

– Ouddooumaž lij siidsåbbar saaǥǥjååʹđteei da suu tuâj lie säʹmmlai vuõiggâdvuõđi kååccmõš da säʹmmlai kuõʹšǩǩi aaʹššid čuâvvmõš.

Sääʹmsuåvtõõzz peäʹlstes valmštâʹlle aaʹššid siidsåbbra da ouʹdde ceälkkmõõžž veʹrǧǧniiʹǩǩid. Sääʹmsuåvtõõzzi vuäzzla vaʹlljeet siidsåbbrin kuhttuin siidin.

Siidsåbbar tuejjummuš ij leäkku toobdâs pukid - Nuõr oummid kaiʹbbjet jeänab mieʹldd

Âʹvvelneǩ Tuomas Kiprianoff lij jiõčč sååbbarooumaž, leʹbe son tuʹǩǩad jiânnai jieʹlled såbbrin. Son ij leäkku jeällam siidsåbbrest ij ni kuäʹss, leâša son kâʹl haalâd leeʹd mieʹldd vaikkteʹmmen aaʹššid.

– Kâʹl mon puäđam pueʹtti såbbra, jos pâi ǩirggnam, Kiprianoff väʹsttad.

Ivalolainen Tuomas Kiprianoff.
Tuomas Kiprianoff jiânnai Tâʹvv-Lappi aaʹššid. Govva: Tuomas Kiprianoff / Privattsnimldõk

Määŋgin såbbrin lie måtmešt leämmaž vaiggâd vuäǯǯad oummuid mieʹldd.

Siidsåbbar piisar Terhi Harju mieʹldd nuõr vuäitče tieʹtted siidsåbbar tuejjummšest jeänab.

– Leʹčči šiõǥǥ, jos sij še puäʹtte mieʹldd såbbrest, Harju tuäivv.

Tän ođđâz lij ǩeeʹrjtam ǩiõllharjtõõlli Erkki Feodoroff.

Varrasamosat: Sää´mjânnam

Váldoođđasat

Varrasamosat

Muualla Yle.fi:ssä