Sápmi

Jannokii Áillohaš-bálkkašupmi

Sofia Jannok lea nagodan doalvut iežas musihka stuorra máilbmái ja lea duolbman dakkár bálgáid, maid earát eai leat duolbman, ákkastalai Guovdageainnu sátnejođiheaddji Klemet Erland Haetta, guhte geigii bálkkašumi beassášlávvardaga Guovdageainnus.

Sofia Jannok oaččui Áillohaš-bálkkašumi 2014.
Govva: Eljas Niskanen / Yle

Dán jagáš Áillojaš-bálkkašupmi geigejuvvui Sofia Jannokii.

Bálkkašupmi ja 20 000 Norgga ruvnnu juhkkojuvvui Sámi Grand Prix -gilvvu oktavuođas Guovdageainnus beassášlávvardaga.

- Son lea nagodan doalvut iežas musihka stuorra máilbmái ja lea duolbman dakkár bálgáid, maid earát eai leat duolbman. Son lea almmuhan golbma skearru guhtege iežas mielain ja vugiin ja lea guktii vuoitán Sámi Grand Prix'a, ákkastalai Guovdageainnu sátnejođiheaddji Klemet Erland Haetta, guhte geigii bálkkašumi. 

Norgga Sámiid riikkasearvi, Guovdageainnu suohkan ja Guovdageainnu Sámiid searvi ásahedje Áillohaš-musihkkabálkkašumi jagis 1993. Vuosttas bálkkašupmi geigejuvvui Mari Boinei ja diibmá dan oaččui Magnus Vuolab.

Varrasamosat: Sápmi

Váldoođđasat

Varrasamosat

Muualla Yle.fi:ssä