Sápmi |

Jiekŋameara ruovdegeainnus ii dárbbaš ballat lagamuš áiggiin, lohpida stáhtaministtar Juha Sipilä

Anáris galledan stáhtaministtar dajai, ahte Jiekŋameara ruovdegeainnu lea váttis ovddidit go dat ii gánnit ruđalaččat.

Juha Sipilä
Muhtun veardde boahtá boddu dán áššái, lohpidii stáhtaministtar Juha Sipilä. Govva: Kaija Länsman / Yle

Sámis vahkuloahpas galledan stáhtaministtar lohpádattai, ahte sii geat ballet Jiekŋameara ruovdegeainnus, ožžot dál bosihit.

– Muhtun veardde boahtá boddu dán áššái. Buot fidnut gáibidit dan, ahte dat leat ruđalaččat gánnihahttit.

Sipilä deattuha, ahte dakkár fidnu, mii ii gánnit ruđalaččat, de dan lea viehka váttis hoigat ovddos guvlui. Sii bidjet baicce návccaid máttás.

– Stáhta bidjá dál návccaid váldomáđii divvumii. Maiddái ruovdegeainnut, mat mannet nuortta guvlui ja Turkui, de dat bohtet barggahit čuovvovaš ráđđehusa. Diet leat čielgasit dat gosa dál bidjet návccaid, muitalii stáhtaministtar Juha Sipilä lávvardaga Anáris.

Mannan vahkus almmustuvai Jiekŋameara ruovdegeainnu loahpparaporta, man mielde fidnu ii leat ruđalaččat gánnihahtti, eaige raporttas evttohan joatkkadoaimmaid.

Varrasamosat: Sápmi

Váldoođđasat

Varrasamosat

Muualla Yle.fi:ssä