Sámediggeválggaid jienastanproseanta orru loktaneamen mannan válggain.
Válgalávdegoddi lea almmustahttán eahpevirggálaš jienastanproseanttaid. Olles válggaid jienastanproseanta lea 51,63.
Sámeguovllu gielddain Eanodagas orru dál leamen alimus jienastanproseanta, 68,62 %. Ohcejogas jienastanproseanta lea 66,54.
Soađegilis, gos gieldda guokte áidna evttohasa besset automáhtalaččat čađa, jienastanproseanta orru šaddamin 62,46. Anárisges jienastanproseanta lea dalá dieđuid mielde 60,64.
Sámeguovllu olggobealde jienastanproseanta lei 42,65%.
Poastta mielde sáddejuvvojedje 2887 jiena ja eitosaš jienastanbeaivve 148 olbmo fitne jienasteamen. 12 jiena eai dohkkehuvvon.
Jienastanproseanta lei mannan sámediggeválggain 49,6.
