Sápmi |

Jikŋon 2 jorragoahtá filbmateáhteriin Sámis

Lávvardaga leat Jikŋon 2 -filmmas ovdačájáhusat Roavvenjárggas, Avvilis, Anáris ja Ohcejogas.

Jikŋon2 ealligovva
Jikŋon2 -filmma beassá lávvardaga 14.12. rájes oaidnit miehtá Sámi. Govva: Disney

Beakkánis Jikŋon 2 -filmma sáhttá fitnat geahččamin juo boahtte vahkuloahpas, beannot vahku ovdal vuosttaseahkeda. Vuosttas vejolašvuođat beassat geahččat sámegillii dubbejuvvon filmma leat juo juovlamánu 14. beaivve.

Earet eará Anára gieldda Aslak-ealligovvateáhter, Roavvenjárgga sámesearvi Mii ja Ohcejoga Sámi Siida čájehit filmma juovlamánu 14. beaivve.

Jikŋon 2 -filmma ovdačájáhusat juovlamánus leat Avvilis, Anáris, Ohcejogas ja Roavvenjárggas:

  • Avvilis lávvardaga 14.12. diibmu 15.00 ealligovvateáhter Aslakis
  • Anáris lávvardaga 14.12. diibmu 16.00 Sámi kulturguovddáš Sajosis
  • Roavvenjárggas lávvardaga 14.12. diibmu 15.30 BioRex Cinemas
  • Ohcejogas Sámi Siida rs. ordne priváhtačájáhusaid lávvardaga 14.12. diibmu 18.00 ja gaskavahku 18.12. diibmu 18.00 filbmateáhter Davvenásttis.

Dasa lassin sámegielat Jikŋon 2 -filmmas ordnejit ovdačájáhusaid Norgga ja Ruoŧa bealde. Filbma čájehuvvo lávvardaga juovlamánu 14. beaivve earet eará Álaheajus, Gironis, Bådåddjos, Harstadas, Leavnnjas, Romssas, Nárvihkas, Guovdageainnus, Čáhcesullos, Kirkonjárggas, Áhkánjárggas ja Plaassjes.

Sámegielat filbma lea oaidninláhkái maid stuorra gávpogiin

Davvisámegielat Jikŋon 2 -filmma virggálaš vuosttasčájáhus lea 25.12.2019 – oktanaga eará davviriikkalaš giellaveršuvnnaiguin. Davvisámegielat filmma lea bagadallan Sara Margrethe Oskal.

Juo dál lea sihkkarastojuvvon, ahte Jikŋon 2 -filbma boahtá oaidninláhkái juovlamánu loahpas Suoma stuorra gávpogiin goit Helssegis, Jyväskyläs, Kuopios, Lahtis, Oulus, Poris, Tamperes ja Turkus. Dasa lassin sámegielat filbma čájehuvvo uhcit báikkiin dego Gihttelis, Anáris, Eanodagas ja Ohcejogas.

Jikŋon 2 -filmma čájáhusaid buot davviriikkain leat čohkken maiddái eahpevirggálaš neahttasiidduide.

Varrasamosat: Sápmi

Váldoođđasat

Varrasamosat

Muualla Yle.fi:ssä