Sápmi |

Johtti Rádio johtá dán vahkus Dearpmážis, Tankaváris ja Vuohčus

Yle Sámi rádiokanálas gulat geassit Johtti Rádio maŋŋebárgga, gaskavahku ja duorastaga.

Doaimmaheaddjiguoktá Anneli Lappalainen ja Kaisa Aikio.
Doaimmaheaddjiguoktá Anneli Lappalainen ja Kaisa Aikio dolleba dán vahku Dearpmážii, Tankavárrái ja Vuhččui. Mielde maiddái doaimmaheaddji Erkki Gauriloff, guhte ii háhppehan mielde govvii. Govas soai leaba dutkamin Dearpmáža historjjá. Govva: Laura Pieski / Yle

Doaimmaheaddjit Anneli Lappalainen, Kaisa Aikio ja Erkki Gauriloff johtet dán vahkus Yle Sámi Johtti Rádioin Dearpmážis, Tankaváris ja Vuohčus.

Johtti Rádio gulat maŋŋebárgga, gaskavahku ja duorastaga diibmu 14.30–16.00 Yle Sámi rádiokanálas. Jus it háhppet gullat Johtti Rádio njuolggosáddaga, de sáhtát guldalit sáddaga maŋŋelgihtii Yle Areena bokte Dearvva-sáddagis.

Jus deaivvat leat johtimin gos nu lahkosis, de fina áinnas dearvvaheamen Johtti Rádio sáddenveaga. Mielde leat smávva skeaŋkkažat, maid oažžu go searvá mielde sáddagii dahje fitná dearvvaheamen Johtti Rádio.

Odne maŋŋebárgga Johtti Rádio sádde sáddaga Dearpmážis. Gulat earet eará, mo lea orrut Dearpmážis.

Ihttin gaskavahku Johtti Rádio gávnnat Tankaváris golledoidima máilmmimeašttirgilvvuin.

Vahku maŋimuš Johtti Rádio -sátta sáddejuvvo duorastaga Vuohčus, go Vuohču Sámi márkanat lahkonišgohtet.

Johtti Rádio johtá dassážii, go Yle Sápmi máhccá dálveáigái. Dálveáigái máhccat sihke TV:s ja rádios borgemánu 19. beaivvi.

Varrasamosat: Sápmi

Váldoođđasat

Varrasamosat

Muualla Yle.fi:ssä