Sápmi |

Johtti Rádio johtá dán vahkus Roavvenjárgga guovllus

Yle Sámi rádiokanálas gulat Johtti Rádio álo disdaga, gaskavahku ja duorastaga.

Laura Pieski ja Kaisa Aikio
Doaimmaheaddjit Laura Pieski ja Kaisa Aikio dolleba dán vahkus Roavvenjárgga ja Ranua guvlui. Govva: Vesa Toppari / Yle

Doaimmaheaddjiguoktá Laura Pieski ja Kaisa Aikio johtiba dán vahkus Roavvenjárgga guovllus Yle Sámi Johtti Rádioin.

Johtti Rádio gulat disdaga, gaskavahku ja duorastaga diibmu 14:30–16:00 Yle Sámi rádiokanálas. Jus it háhppet gullat Johtti Rádio njuolggosáddaga, de sáhtát guldalit sáddaga maŋŋelgihtii Yle Areena bokte Dearvva-sáddagis.

Odne disdaga Johtti Rádio sádde sáddaga Roavvenjárggas.

– Moai letne sáddeme sáddaga Roavvenjárgga guovddážis, Lordi šilljus. Jos leat Roavvenjárgga guovllus, oažžu boahtit áinnas dearvvahit munno, dadjá Laura Pieski.

Ihttin gaskavahku Johtti Rádio gávnnat Ranuas ja dán vahku maŋimuš Johtti Rádio sádde sáddaga duorastaga fas Roavvenjárggas.

– Moai manne gaskavahku fitnat Ranua ealligárddis, muitala Kaisa Aikio.

Dáppe beasat gullat eanet, makkár ságat leat vuordimis. Jietna: Yle Areena.

Johtti Radio johtá dassážii, go Yle Sápmi máhccá dálveáigái. Dálveáigái máhccat sihke TV:s ja rádios borgemánu 19. beaivvi.

Varrasamosat: Sápmi

Váldoođđasat

Varrasamosat

Muualla Yle.fi:ssä