Sápmi |

Jouni Moshnikoff lea jápmán

Giellabargi Jouni Moshnikoff lea jápmán. Moshnikoff jámii ruovttustis maŋŋebárgga 29.5.2012 guhkesáigásaš buozalmasvuođa geažil. Son lei riegádan Beahcámis 30.5.1940.

Jouni Moshnikoff lei boazodoalli, sámepolitihkkár ja áŋgiris giellabargi. Moshnikoff barggai 70-logus garrasit nuortalašgiela bealis ja ovddidii maiddái nuortalašgiela čállingiela. Jagis 1973 almmustuvai vuosttas nuortalašgiela rávvagirji, man okta čálli lei Moshnikoff.

Dan maŋŋá Moshnikoff čálii olu nuortalašgielat oahppomateriálaid. Son oaččui jagis 2006 Gollegiella-bálkkašumi nuortalašgiela ovdii dahkkon barggus.

Varrasamosat: Sápmi

Váldoođđasat

Varrasamosat