Sápmi

Journalista-badjealmmái Ásllat Paltto dokumentára govke uvssa máilbmái, man olbmot hárve besset oaidnit – "Badjealbmá čalmmiiguin" čájehuvvo Yle TV1:žis sotnabeaivvi

Poronhoitaja, toimittaja Aslak Paltto kuvasi poronhoitajien arkea Saamenmaalla yhdeksän vuoden ajan.
Govva: Eva Fachè

Journalista ja badjealmmái Aslak Paltto filbmii ovcci jagi dan, maid boazodoallit duođaštit juohke beaivvi.

Lea fiinna dálvebeaivi duoddaris, Sállevári bálgosa guohtuneatnamiin Anára oarjeoasis. Doaimmaheaddji ja badjealmmái Aslak Paltto heaŋgá mohtorgielkká alde ja geahččá báhcinčuoigangilvvuid.

– Oktii go vel báhčet, sáhttá vel vuoitit bronsamedáljja, dadjá Paltto kamerai.

Gilvu joatkašuvvá, muhto suopmelaččain ii gusto mannange nu bures dán háve. Paltto jorgala kamera mohtorgielkká báldii, eatnamis veallá bohcco rábbi.

Dánge álddu leat gaikon, erttetdávttiid ala lea juo muohttán.

– Eallin joatkašuvvá, vaikko dat ii fidnege dan medáljja, smiehtada Paltto.

Poronhoitaja, toimittaja Aslak Paltto kuvasi poronhoitajien arkea Saamenmaalla yhdeksän vuoden ajan.
Govva: Eva Fachè

Govat spiriin njágadeamen bohccoráppiid luhtte duoddaris eai leat nu oahppásat dábálaš tv-gehččiide, muhto badjealbmáide dat lea árgabeaivi.

Journalista ja badjealmmái Aslak Paltto dokumentára govke uvssa máilbmái, man olbmot hárve besset oaidnit.

– Dat lei máŋgga jagi prošeakta oažžut govaid. Vuoi sáhttá duođaštit, mii doppe luonddus dáhpáhuvvá ja geahččalit oažžut spiriid maiddái daidda govaide. Hálidin čájehit, maid dat duođai dahket bohccuide, muitala Paltto.

Aslak Paltto kuvannut ja jäljitti petovahinkoja jopa yhdeksän vuoden ajan.
Govva: Aslak Paltto

Hárvenaš filbmamateriála eallinvuogis, mii dábálaččat čiehkádivččii statistihkaid vuollái

Badjealbmá čalmmiiguin -dokumentáras čájehuvvo alvvus filbmamateriála das, mo spiret leat gaikkodan bohccuid. Paltto lea čuvvon kamerain erenomážit geatkki daguid.

Dokumentára lea ovtta oassebeali subjektiivvalaš muitalus, muhto Yle háliidii loktet áidnalunddot materiála stuorat geahččijoavkku oidnosii.

Aslak Paltto kuvannut ja jäljitti petovahinkoja jopa yhdeksän vuoden ajan.
Govva: Eva Fachè

Yle govvida Paltto barggu hárvenaš filbmamateriálan, mii muđui jávkkašii nummariid ja statistihkaid duohkái.

Paltto háliidii buktit geahčči meahccái oaidnit namalassii dan, maid boazodoallit duođaštit juohke beaivvi.

Poronhoitaja, toimittaja Aslak Paltto kuvasi poronhoitajien arkea Saamenmaalla yhdeksän vuoden ajan.
Govva: Aslak Antti Paltto

Filbmadahkki sávvá, ahte dás duohko Suomas dihtet eanet boazodoalu birra. Eará boazodoallit dat bivde su muitalit dán áššis.

– Badjealbmát dadje, ahte itgo juo dagašii dás dokumeantta, jus das livččii miinu ávkkiid maiddái servodahkii, ahte oidnošii olbmuide vai sii dihtet.

– Diehtu, mii dán rádjái lea leamašan, lea dušše badjealbmáid duohken leamašan,maid sii leat muitalan. Galhan mii diehtit, ahte jus olmmoš muitala, maid son lea oaidnán, de eai dat olbmot jáhke. Dat galget beassat oaidnit, dadjá Paltto.

Loga lasi suomagillii: Poromiehen silmin -dokumentin ohjaaja, poronhoitaja Aslak Paltto: ”Luonnossa on saamelaisten tulevaisuus”

Boazodoalli eallimis muitaleaddji dokumeanta čájehuvvo sotnabeaivve 3.11 Yle TV1:žis. Filbma boahtá sotnabeaivvi geahččanláhkai maiddái nehttii Yle Areenai.

Varrasamosat

Muualla Yle.fi:ssä