Sápmi |

Juvdujoga ođđa dápmotsohkabuolvvaid eallin álgá plastihkkastobes – Geahča video!

Luondduriggodatguovddáš lea ođadeame Anárjávrri dápmotnáli, muhto mátki meađđenmanis steaikabánnui lea guhki.

Video: LUKE taimenkannan uudistaminen Inari


Suoma Luondduriggodatguovddáža Anára guollegilvinlágádusas leat ođadeame dápmotnáli. Juvdujogas leat bivdán firpmiin dán čavčča 70 gođđupára, maid bahčimat leat aiddo dál jođus.

Luke guollegilvináššedovdi Timo Rauhala muitala, ahte dát guolit bohtet leat Juvdujoga boahttevaš dápmotbuolvvaid máttarvánhemat.

– Mii bargat dán, vai mii oažžut ođđa genehtalaš árbbi lágádusa dápmotnállái ja ođđa gilvvaveajehiid golmma jagi geažis. Bistá goit ovcci jagi go dat guolit fas lassánit. Mii gilvit Anárjávrái golmma jahkásaš veajehiid, mat leat justa dáid eatneguliid maŋisboahttit, čilge Rauhala.

Timo Rauhala LUKE
Luke guollegilvináššedovdi Timo Rauhala muitala, ahte dápmotnáli ođadeami várás sii leat bivdán firpmiiguin dápmohiid Juvddus. Govva: Anneli Lappalainen / Yle

Mátki meađđenmanis steaikabánnui lea guhkki

Guollegilvinlágádusas ođđa dápmotsohkabuolvvaid eallin álgá plastihkkastobes. Bahččojuvvon meađđemiid ala cirgaluvvo vel guoksa. Mátkki meađđenmanis steaikabánnui goit lea guhkki. Bivdinmuttus dápmohat leat easka dalle go leat Anárjávrris jagiid stuorruma maŋŋá juksan 60 sentte guhkkodaga.

Dápmotnáli ođadeami várás Luondduriggodatguovddáš lea bivdán firpmiiguin dápmohiid Juvddus. Gođđupárat leamašan birrasiid 2,5 kilosaččat ja justa dakkárat maid stággoalbmátge hipmošit. Lohku ii goit dihtto joga dápmotmearis.

– 3-4 jagi dassái dutkkaimet skádjaseasaniin dápmohiid goargŋuma. Dalle Juvdujohkii gorgŋo badjel 7000 dápmoha, nu ahte dát 70 pára lea oalle uhca lohku dan ektui. Dán čavčča dilli ii goit leamašan nu buorre, iige johkiige leat sihkkarit gorgŋen nu ollu guolli go dalle, dadjá Luke guollegilvináššedovdi Timo Rauhala.

Varrasamosat: Sápmi

Váldoođđasat

Varrasamosat

Muualla Yle.fi:ssä