Sámepolitihkka |

Kari Kyrö Válgagalleriijas: "Mun ráhkistan ráfi"

Kari Kyrö nummir Sámediggeválggain 2015 lea 17. Son lea evttohassan Anáris.

Video: Kari Kyrö
17 Kari Kyrö, Válggat | Vaal | Vaaljah 2015 Video: Válgagalleriija

Evttohas nummir 17, Kari Kyrö Anáris dadjá, ahte son álggii evttohassan Sámediggeválggaide, daningo su viggamuš lea soabalašvuohta.

– Mun ráhkistan ráfi ja mu mielas dál dán servošis ii leat dakkár soabalašvuohta, mii duhtadahtášii. Dan sivas olbmot leat gaskaneaset gealdagasas ja várra dat lea fuomášuvvon maid stáhta hálddahusa bealde, ja dat lea váralaš. Min áššit eai ovdán mu mielas doarvái bures, go mii riidalit gaskaneamet. Mu guovddáš ulbmilin lea, jus beasan áirrasin, ahte vikkan hukset soabada olbmuid gaskii buot fámuin, Kari Kyrö dadjá Válgagalleriija jearahallamis.

Gean don ovddastat sámedikkis?

– Mun ovddastan dieđusge buot sápmelaččaid, muhto go mus leat anáraš ruohttasat, de dieđusge sin maid Kari Kyrö dadjá.

Geahča olles jearahallama Yle Areenas. Jearahallan lea suomagillii ja dat lea tekstejuvvon davvisámegillii.

Varrasamosat: Sámepolitihkka

Váldoođđasat

Varrasamosat

Muualla Yle.fi:ssä