Sápmi |

Katja Gauriloff lea Jagi nuortalaš

Jagi nuortalaš 2016 -bálkkašupmi geigejuvvui Katja Gauriloffii lávvardaga Anáris.

Katja Gauriloff Jagi nuortalaš
Govva: Preassagovva/ Mari Korpimäki

Nuortalaččaid giličoahkkin ja Saa´mi Nue´tt -searvi lea mieđihan Jagi nuortalaš 2016 -bálkkašumi filbmabagadalli Katja Gauriloffii. Bálkkašupmi juhkkojuvvui Anáris lávvardaga Sámekulturguovddáš Sajosis, gos Gauriloff filbma su máttaráhkus Kuun metsän Kaisa čájehuvvui.

Giličoahkkin ja Saa´mi Nue´tt -searvi giitalit Katja Gauriloffa das, mo son lea filmma bokte muitalan iežas soga ja maiddái iežas álbmoga eallimis.

Katja Gauriloff válddii iluin bálkkašumi vuostá.

– Váttis gávdnat sániid. Lean giitevaš ja ain veháš ipmašis. Bálkkašupmi mearkkaša hui olu, eandalii go dan oažžu nissonolbmuin geaid anan hui árvvus, dadjá Gauriloff.

Kuun metsän Kaisa -filbma muitala sápmelaš identitehtas ja Gauriloffa máttaráhku Kaisa Gauriloff ja sveitsalaš girječálli Robert Crottet ustitvuođas.

Varrasamosat: Sápmi

Váldoođđasat

Varrasamosat

Muualla Yle.fi:ssä