Koe uusi yle.fi
Sää´mjânnam |

Katja Gauriloff tuäjškuättam suu vuõssmõs fiktiofiiʹlmin – Cisttum fiʹlmmraajji toobd še tiâddõõzz toobd

Fiʹlmmraajji Katja Gauriloff lij mââimõs čõõuč ääiʹj raajjam fiiʹlm Sofi Oksanen ǩeeʹrjest Baby Jane.

Jietna: Katja Gauriloff ohjaa ensimmäisen koko pitkän fiktioelokuvansa Sofi Oksasen kirjasta Baby Jane.
Jietna

Fiʹlmmraajji Katja Gauriloff lij meälǥžet alttääm tuejjeed õõutsââʹjest Oktober–puuʹttõspõrggsin ođđ fiktiofiiʹlm “Baby Jane”.

Baby Jane-fiʹlmm vuâđđââtt ǩeʹrjjneǩ Sofi Oksanen ǩeeʹrja da mieʹrren lij, što kuʹǩes fiʹlmm lij vueiʹnnemnalla eeʹjj 2018 looppâst.

– Leäʹp čõõuč ääiʹj alttääm sniimmâd fiiʹlm da sniimmʼmõõzzin juäʹtǩǩep veâl puõʹtti ǩiiđ ääiʹj. Tät lij muu vuõssmõs kuʹǩes fiktiofiʹlmm, rämmaš Gauriloff.

Fiʹlmmraajjin Gauriloff lij mââimõs iiʹjjin leämmaž peäggtum dokumenttfiiʹlmi raajjummsest da ââʹn lij-i leämmaž aivv jeeʹresnallšem tuâjjvueʹjj. Baby Jane-fiiʹlmâst son peäss õhttsažtuejjeed čuäʹjtõõlliivuiʹm da šuurab puʹhttõsjooukin.

Katja Gauriloff ja Sofi Oksanen.
Fiʹlmmraajji Katja Gauriloff lij mââimõs čõõuč ääiʹj raajjam fiiʹlm Sofi Oksanen ǩeeʹrjest Baby Jane. Govva: Vesa Toppari / Yle, Kati Komulainen / AOP

– Tõt lij možât pukin šuurmõs jeäʹrdõs dokumeʹnttfiiʹlmid. Tõt lij kâʹl nuʹt ihanaa, ko dokumeʹnttifiiʹlmin leäm jiânnai õhttu raajjmen fiiʹlm, kommentâʹstt Katja Gauriloff.

– Dokumeʹnttfiiʹlmin lij juʹn vaalmâš maaiʹlm, koon feʹrttai puʹhtted ouʹdde. Fiktiofiiʹlmin feʹrttai obb maaiʹlm feʹrttai vuõssân raajjâd da tõn mâŋŋa puʹhtted ouʹdde tuõttvuõđ tõn rajjum maaiʹlmest.

Mannu mieʹcc Kaiʹssi vueiʹti eʹpet ciistid maaiʹlmest

Katja Gauriloff vuäǯǯai jiânnai peäggtummuž suu mââimõs dokumeʹnttfiiʹlmâst Mannu mieʹcc Kaiʹssi, mâʹst son vueiʹti še Jussi-ciist ǩeâdda 2017.

Mannu mieʹcc Kaiʹssi õinn jåått pirr maaiʹlm fiʹlmmfestivaalin. Nuʹt še mõõʹnni neäʹttel-looppâst Murmansk-gåårdest Northern Character-fiʹlmmfestivaalin Gauriloff vuäǯǯai festivaaʹli pueʹrmõs fiiʹlm Grand Prix-ciist. Gauriloff lij sami rämmai, ko Mannu mieʹcc Kaiʹssi lij õinn tuejjääm vaikktõõzz ǩiiččeejaid.

Måtamnalla fiʹlmmciist še poʹhtte jiânnai tiâddõõzz fiiʹlmraajjummsa.

– Kâʹl tõt siõmmna pohtt še jeeʹresnallšem tiâddõõzz tuejjeed fiiʹlmid da teädd miõl. Tuu mââimõs fiʹlmm lij kuuitâǥ tõt nõmmkorttad, da tobddâm, što feʹrttai oʹnsted še puõʹtti fiiʹlmin, što ton vuäitak tuejjeed veâl nuuʹbb fiiʹlm tõn mâŋŋa še.

Katja Gauriloff mušttli “Baby Jane”-fiʹlmmprojeeʹkt pirr seärad 29.11.2017 Dearvva! Tiõrv! Tiervâ! -vuõlttõõzzâst. 

Varrasamosat: Sää´mjânnam

Váldoođđasat

Bivnnuhamosat

Varrasamosat

Muualla Yle.fi:ssä