Sápmi |

Ǩeäʹppel liuvjlet Njauddâmjooǥǥâst jeäskka muädd neäʹttel ǩeeʹjjest

Tuʹlvv vaaikat Njauddâmjooǥǥ ǩeäʹppel-liuvjlummša tän eeʹjj.

Käpäläkalastusta Näätämöjoella heinäkuussa 2018
Govva: Sara Wesslin / Yle

Kõrr tuʹlvv vaaikat tän eeʹjj ǩeäʹppel šeellmõʹsse Njauddâmjooǥǥâst. Taarr beäʹlnn Njauddmest laaʹvjet šeelled luõʹzz ǩeäʹppelnueʹttin.

Takainalla ǩeäʹppel liuvjlal Njauddâmjooǥǥ njaaʹlmest juʹn sueiʹnnmannu aalǥâst, leâša tän ǩieʹzz tõn lieʹt feʹrttjam vueʹrdded.

– Õinn lij kõrr tuʹlvv jooǥǥâst, toʹben lie miâlggâd jiânnai čääʹʒʒ. Taʹnni lij leämmaž jõnn tuʹlvv da mââimõš âʹbrrpeeiʹv lie kaggâm čääʹʒʒ ǧinn jeänab, mušttal njauʹddâmneǩ Kjell Arvola.

Arvola ååsk, što vuäʹmm liuvjlempääiʹǩest šeellet sueiʹnnmannu looʹpp bieʹlnn.

– Aainâs muädd neäʹttel mâânn. Leâša jos jåtlânji čääʹcc cuäkk, de leäʹp toʹben juʹn ouddâl, smeâtt Arvola.

Kulddâl jiõn: Kuäʹss Njauddâmjooǥǥâst altteet ǩeäʹppel-šeellmõõžžin? Sara Wesslin mainstââʹtt Kjell Arvola.

Mâʹst lij šõddâm nuõrttsäʹmmlai ärbbvuõđlaž ǩeäʹppel-šeellmõš? Looǥǥ lââʹzz tän äʹrbbvuõđ pirr Yle vuäʹmm artikklest, mâʹst Seija Sivertsen mušttal ǩeäʹppelmainnsid.

Kuin karhun käpälä koukkaisi lohia keskellä köngästä – perinteinen heittonuotta kokoaa kyläläiset joelle pienessä norjalaiskylässä

Varrasamosat: Sápmi

Váldoođđasat

Varrasamosat

Muualla Yle.fi:ssä