Säämi |

Kielâpiervâl Oulun?

Sämitigge kärttee tääl lii-uv Oulun tárbu ceggiđ kielâpiervâl tave- anarâš- tâi nuorttâlâškiellân. Tääl Helsigist tuáimá jo tavekielâ kielâpiervâl já Ruávinjaargâst ráđádâleh ääšist. Karttiihánnáá láá val stuárráb paaihijn Tampere já Jyväskylä.

Sämitigge kärttee tääl, et maggaar tárbu lii kielâpiervâlân Oulu kuávlust. Laura Arola lii pálkkááttum čielgittiđ, mon kalle tave-, anarâš-, já nuorttâlâškielâlii párnáá tobbeen liččii puátimin kielâpiervâlân.

Kärttim äigi lii uđđâivemáánu loopân, mut taam ääigi puáhtá juátkiđ, muštâl sämitige meriáigásâš háldáttâshovdâ, sosiaal- já tiervâsvuođâ čällee Pia Ruotsala.

Táássáš lii kärttejum Helsig, kost tuáimá jo kielâpiervâl tavekielân. Ruávinjargâ lii meid kärttejum. Tobbeen láá vittâ tavekielâlii párnáá já kyehti anarâškielâlii.

Tääl láá ráđádâlmeh monâmin Ruávinjaargâ kavpugáin, et maht kielâpiervâl ceggim tohon luhostuvá.

Vanhimeh kiddiistum pieijâđ párnáidis piervâlân

Oulust ässee viiđâ ihásii Ella-nieidii enni Jaana Kaarret já Tampereest ässee kyevti nieidii enni Virpi Kulmala kuohtuuh piejâččáin párnáidis kielâpiervâlân, jis tot ličij máhđulâš. Kaarret kuittâg ana tehálâžžân tom, ete tast iä šodâččii stuorrâ vádisvuođah argâelimân.

Kuohtuuh eenih halijdiččáin párnáidis meid škoovlân anarâškielâ máttááttâsân.

-Tothân tast lii vädisvuotân, et jis páárnáš opâččij kielâ jo piervâlist, te tast kolgâččij anneeđ meid huolâ, et tot jotkuuččij škoovlâst. Taat ij liččii taan peeivi máhđuttem, ko kááidusmáttááttâs peht máttááttâllâm luhostuuččij pyereest, iätä Virpi Kulmala.

Kulmala máttááttâl jieš-uv anarâškielâ kááidusmáttááttâs peht.

Varrasamosat: Säämi

Váldoođđasat

Varrasamosat

Muualla Yle.fi:ssä