Säämi |

Kieskâd vuáđudum anarâškielâ totkeejuávhust pargeh ovdâmerkkân kielâopâlâš tivvoomohjelmáin – Olthuis: "Uđđâ lostâ anarâškielâ tutkâmhistorjást"

Tuáhtár lii tutâvâš anarâškielâ totkei miärán.

Marja Liisa Olthuis
Marja-Liisa Olthuis lii ohtâ tain 13 totkest kiäh kullojeh anarâškielâ totkeejuávkun. Govva: Yle / Anja Kaarret

Kieskâd lii vuáđudum anarâškielâ totkeejuávkku, moos kullojeh ohtsis 13 totked, muštâl totkeejuávhu jeessân, tuáhtár Marja-Liisa Olthuis. Juávhust láá náguskirje totkeeh, mutâ meid puárásub anarâškielâ totkeeh.

– Mii juurdân lii váhá tego kietâluvâi jotteeđ vâi ohtâgin kote lii tutkâmin anarâškielâ tääl, ij pásáččii ohtuu. Stuorrâ teeman lii lamaš kielâteknologia, jo-uv huksim teikkâ kevttim.

Anarâškielâ totkeejuávhust puohah mättih anarâškielâ. Olthuis lii tutâvâš taas.

– Toinnaalijn tot lii uđđâ lostâ anarâškielâ tutkâmhistorjást, et iä mist lah lamaš náávt ennuv náguskirje čälleeh já talle láá tuođâi tagareh hárjánâm totkeeh, eenâb-uv ko mun, mii lii pyeri.

Olthuis muštâl motomijd tutkâmušâid moigijn tutkâmjuávhu jesâneh pargeldeh.

– Mist lii päikkinommâtutkâmuš, ärbivuáválâš sänikirjepargo já morfologisâš tutkâmuš.

Kielâopâlâš tivvoomohjelm máttát anarâškielâ kielâoopâ

Olthuis jieš lii porgâm kielâopâlâš tivvoomohjelmáin, mii huksejuvvoo čällei várás. Veikkâ mist lii-uv jo ohtâ tivvoomohjelm anarâškielân, te taat kielâopâlâš tivvoomohjelm máttá tivvoođ meid kielâoppâfeeilâid.

– Táválâš tivvoomohjelm kávná tuše čäällimfeeilâid, mut tot ij ravvii kielâopâlávt ollágin, muštâl Olthuis.

Kielâopâlii tivvoomohjelm huksim ij lah tuše oovtâ oho pargo, ige Olthuis määti val ettâđ, kuás taat uđđâ pyereeb tivvoomohjelm šadda luođimnáál.

Kuldâl maid Marja-Liisa Olthuis muštâl totkeejuávhust. Jietna: Anja Kaarret / Yle

Varrasamosat: Säämi

Váldoođđasat

Varrasamosat

Muualla Yle.fi:ssä