Sápmi |

Kirsi Virtanen Soađegili gielddahoavdan

Virtanen bargá dál gielddahoavdan Jämijärvis.

Kirsi Virtanen
Kirsi Virtanen válljejuvvui Soađegili gielddahoavdan. Govva: Tuomo Leikkola

Soađegili gielddastivra lea válljen otne duorastaga čoahkkimisttis Soađegillái ođđa gielddahoavdda. Son lea hálddahusdiehtagiid magisttar Kirsi Virtanen. Virtanen bargá dál gielddahoavdan Jämijärvis, Satakuntas.

Virtanen lei gielddaráđđehusa evttohus virgái. Soađegili gielddastivra válljii Virtanena ovttamielalaččat ođđa gielddahoavdan duorastaga iđđes. Mearrádus dahkkui 15 minuhtta dan maŋŋá, go gielddastivrra čoahkkin álggii.

Soađegili dálá gielddahoavda Viljo Pesonen báhcá ealáhahkii suoidnemánu álggus.

Várresadjái gielddaráđđehus evttohii Jyrki Manninena. Gielddastivrras ášši ii goittotge lean ovttamielalaš, fal áššis šadde jienastit.

Varrasamosat: Sápmi

Váldoođđasat

Varrasamosat

Muualla Yle.fi:ssä