Sápmi |

Kone-foanddas ruhtadoarjagat earret eará MUITÁT-prošektii, Guttormii ja musihkkabeivviide

Suopmelaš Kone-foanda lea juohkán fas ruhtadoarjagiid.

Ylä-Lapin luontokeskus ja saamelaismuseo Siida
Sámemusea Siiddas illudit juolludeamis ja muitalit ruđa gullat vuođđočájáhusaid kulturosiid ođasmahttinfidnui. Govva: Linnea Rasmus / Yle

Kone-foanda lea mieđihan duorastaga badjel 30 miljovnna euro roahkkadis dieđa- ja dáiddaprošeavttaide.

Sámemusea Siida ja Oulu universitehta Giellagas-instituhta oktasaš MUITÁT-prošeakta oažžu 300 000 euro. Sámemusea Siiddas illudit juolludeamis ja muitalit ruđa gullat vuođđočájáhusaid kulturosiid ođasmahttinfidnui.

MUITÁT-prošeavtta ulbmil lea dutkat ja dulkot sápmelaččaid kulturárbbi ja seammás boktit oktasaš muittu, čállá Kone-foanda dieđáhusastis.

Dávvirat, mat leat beanta vajálduvvan ja máhcahuvvon sámeguovllu olggobealde ruovttoluotta Sápmái, váldojuvvojit dán prošeavtta vehkiin ođđasit atnui. Jurddan lea čohkket ja vurket sámiid dieđuid ja vásáhusaid dáid materiálaid birra.

Hanna Guttorm fas oažžu 153 000 euro golmmajagát prošektii, mas ulbmil lea buktit ođđa oainnuid suopmelaš- ja sápmelašvuođa rájáide ja ovddidit soabadallama.

Heahtá musihkkabeivviide juolludedje 16 000 euro. Ruhta geavahuvvo earret eará Lapin Kamariorkesteri ja Sotilassoittokunta galledeapmái cuoŋománus. Čuovvovaš jagi Heahtá musihkkabeivviin lea valjis sámemusihkka, čállet Kone-foandda siidduin.

Loga dáppe eanet juolludemiid birra.

Varrasamosat: Sápmi

Váldoođđasat

Varrasamosat

Muualla Yle.fi:ssä