Sápmi |

Kuldâl jienâ: Anarâš- já nuorttâlâškielâlâš kirjálâšvuotâ almostuvá hitásávt já uccáá

Čälleeh kärttih porgâđ áijáás čäällimpargo jieijâs astoaigijn.

Marja-Liisa
Anarâškielân tarbâšičij ain eenâb kiirjijd, muštâl Anarâškielâ seervi saavâjođetteijee Marja-Liisa Olthuis. Govva: Mikkâl Morottaja / Yle

Anarâškielâ seervi saavâjođetteijee Marja-Liisa Olthuis mieđeet, et anarâškielân tarbâšičij ain eenâb kiirjijd. Kirjij čäällim lii áijáás hommá, ige kihheen čääli olespiäiválâš pargon anarâškielâlijd kiirjijd, pic kirjeh šaddeh ulmui astoaigijn.

– Mij lep lamaš jo kuhháá huolâst, tast et nuorâid ij lah maggaarkin luhâmuš. Vuosmuš lävkki tohon kulij lii tot, ete mij finnip jurgâlem peht kiirjijd já nuuvthân toh puátih meiddei eenâblovokieláid, muštâl Olthuis.

Taan ääigi jienâ- já elektronlâš kirjeh láá šoddâm pivnohin pirrâ maailm. Olthuis lii meid kuullâm, et jienâkiirjijd käibideh meid anarâškielân já toh láá-uv jo ideistem tääsist.

Marja-Liisa Olthuis anarâškielâlijn kiirjijn já čälimist Jietna: Yle

Mari Korpimäki Nuorttâlâš kulttuursiäđusist muštâl, et sist lii lamaš almostittempuddâ. Tijmá šoodâi vuosmuš nuorttâlâš seinikalender já puáttee ihán lii puátimin uđđâ kalender. Lasseen Nuorttâlâš kulttuursiäđus čäällimkišto vyeittee uđđâ kirje kolgâččij almostuđ ovdil puáttee keesi.

– Mist láá mittomereh viehâ ollâgâsâst taan kirje tááhust. Mist lii puátimin uáli visuaallâš taaiđâkirje, iätá Korpimäki.

Korpimäki iätá, et sij láá meridâm kuvviđ kirje čuuvtij já kirjeest láá-uv kulmâ kovvejeijee.

Nuorttâlâš kulttuursiäđus Lookkamsilttõõs-čäällimkištoost almostuvá kirje puáttee ive peln. Jietna: Yle

Varrasamosat: Sápmi

Váldoođđasat

Varrasamosat

Muualla Yle.fi:ssä