Sápmi |

Kuldâl jienâ: Anarâšâi kirkkopase ohjelm lii ucánjáhháá ereslágán – Pasepeeivi immeelpalvâlusân uážuh uásálistiđ tuše 60 olmožid

Anarâšâi kirkkopase uárnejuvvoo pasepeeivi tijme 11 Aanaar kirhoost.

Aanaar kirkko
Taan ive ij lah káhvástâllâm Immeelpalvâlus maŋa. Govva: Eljas Niskanen / Yle Sápmi

Aanaar kirkkohiärrá Tuomo Huusko muštâl, ete taan-uv ive anarâšâi kirkkopase lii suullân siämmáálágán ko tot lii lamaš jo masa love ihheed. Koronatile tiet kirkkopasepeeivi ohjelm lii kuittâg ucánjáhháá ereslágán.

– Iäru lii tot, ete ij lah káhvástâllâm immeelpalvâlus maŋa, mutâ palvâlus maŋa moonnâp hävdienâmân espanjataavdân jáámmám ristâ kuuvl. Toollâp tobbeen talle rukkoos.

Huusko muštâl, ete táválávt tábáhtusân láá servâm 60–80 olmožid, mutâ taan ive tuše 60 olmožid uážuh uásálistiđ immeelpalvâlusân. Kirhoost kolgâččij meid mušteđ toollâđ torvokooskâid, muštâl Huusko.

Anarâšâi kirkkopase lii pasepeeivi 19.7.2020 tijme 11 Aanaar kirhoost. Sáttu vuálgá Avelist Anarân 10 ääigi.

Jietna: Anja Kaarret / Yle

Varrasamosat: Sápmi

Váldoođđasat

Varrasamosat

Muualla Yle.fi:ssä