Säämi |

Kuldâl jienâ: Heli Aikio piäsá pelnub ive maŋa lávluđ stuárráb olmoošjuávkun

Livđoo já lávloo Heli Aikio lii kiävttám koronaääigi ävkkin já ráhtám uđđâ lavluid já liivđijd maid tääl piäsá lávurduv lávluđ.

Heli Aikio
Livđoo já lávloo Heli Aikio almostit suu lavluid já liivđijd meid sosiaallâš mediast. Govva: Priváhtta

Kuldâl maid Heli Aikio muštâlij lávurduv konsertist. Jietna: Anja Kaarret / Yle
Artisteh já musikkáreh iä lah kuhes ááigán peessâm čuojâttiđ já oovdânpyehtiđ ulmui oovdâst koronaraijiittâsâi keežild.

Aanaarlâš livđoo já lávloo Heli Aikio illood, ko piäsá taan oho lávurduv lyeve oolâ lávluđ. Sun lii pelnub ihe tassaaš majemustáá lávlum stuárráb olmoošjuávhu oovdâst.

Sun lii ohtâ Kaamanen live -tábáhtus artistijn já Aikio lávlu konsertist pittáid sämi- já suomâkielân.

– Must láá tobbeen motomeh lavluuh maid lam jo kiergânâm oovdânpyehtiđ live, mutâ talle láá meid tagareh lavluuh moh láá somest, mut jiem lah taid ulmui oovdâst čuojâttâm teikkâ lávlum.

Aikio lii kuittâg kiävttám koronaääigi ävkkin já ráhtám uđđâ muusik. Tääl sust lii lamaš kreatiivlâš puddâ já uđđâ livđeh já lavluuh láá-uv šoddâm.

Kaamanen live -tábáhtus uárnejuvvoo itten lávurduv já tot álgá kuulmâ ääigi. Tábáhtus lii nuuvtá.

Kuldâl lase anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä