Säämi |

Kuldâl jienâ: Jienâkevttim škovliittâs puátimin Anarân – sämikielâlâš oppâmateriaalijd tarbâšeh lohheid

Sämitige škovlim- já oppâmateriaaltoimâttâh taarbâš jieškote-uv ahasijd jienâpargeid oppâmateriaalij várás. Tot lii ohtâ suijâ mondiet uárnejeh škovlim Anarist Sajosist roovvâdmáánu nube oholoopâ, 8.–10.10.2021. Jienâčaittâleijee já mentor Susa Saukko ooppâd šiev jienâ pyevtitteijen.

Sämitige oppâmaterialčällee Petra Kuuva muštâl et sii tarbâseh meid lohheid.
Sämitige oppâmaterialčällee Petra Kuuva muštâl, ete sij tarbâšeh meid lohheid. Govva: Anja Kaarret / Yle

Roovvâdmáánu 8.–10. peeivi uárnejuvvoo Anarist, Sajosist, jienâkevttimškovliittâs. Škuávlejeijen lii jienâčaittâleijee já mentor Susa Saukko. Saukko lii puáttám uápisin ko sun lâi stivriimin já ravviimin, ko Muumih sárnuškuottii sämikielâ.

Sämitige oppâmaterialčällee Petra Kuuva muštâl, et sist lii tárbu jienâpargeid.

– Mist ain lii oppâmaterialijn tárbu, meid luuhâđ. Tot lii ohtâ suijâ, et tággáár škovliittâs ornip, muštâl Kuuva.

Škovliittâsân väldih fáárun 15 uásálistee. Ko juáhážân lii väridum studion äigi, tot räijee uásálistei mere. Uuccâmäigi nohá čohčâmáánu 30. peeivi.

Veikkâ mieldi piäsá tuše tiätumeeri, te valjim tábáhtuvá nuuvt, et puoh kielah peesih mieldi.

– Ko koččâmuš lii tast, ete finnip oppâmateriallohheid, te mist lii mottoomverd valjim vääri já kal keččâp meid almottittem oornig, muštâl Kuuva.

Škovliittâs lii nuuvtá. Škovliittâs orniv oovdâst Sämitigge já Arktâlâš pedagogiik II, sämimáttááttâs digi viärmáduv -haahâ. Lasetiäđuh kávnojeh nettisiijđost.

Petra Kuuva muštâl maggaar jienâkevttim škovliittâs lii puátimin roovvâdmáánust Anarân. Jiena Anja Kaarret / Yle

Kuldâl lase anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä