Säämi |

Kuldâl jienâ: Kerttu Paltto iälá jieš jeegist keččâmin luámánijd, sun ij osko iärásij saavâid

Lyeme kukkii tääl ja motomeh láá jo čuolmâdum, mutâ val ij pyevti ettâđ, maggaar lyemeihe šadda. Stuárráámus uhke tääl lii jis puátih korrâ arveh teikkâ čuormâseh.

Video: Kerttu Paltto
Kerttu Paltto totká maht luámáneh šaddeh Päärtih kuávlust. Video: Anja Kaarret / Yle

Avveellâš Kerttu Paltto vuálgá nuorâvuođâ páikkásis Njižžjäävri riidon luommiđ já eelâš ain tutkâmin, mon muddoost luámáneh láá šoddâmin. Sun osko tuše tom maid jieš uáiná.

Jis kiästnii koijâd, et jo-uv luámáneh láá laddâm, te sij eteh ain, et iä val, já talle kal jo lii ájánâm. Jieš tot kalga eelliđ tutkâmin, rävvee Paltto.

Tääl luámáneh láá iäskán kukkimin, mut mottoom lii jo čuolmâdum. Jyehi kukkáást mii uáinoo, ij šoodâ lyeme, pyeri jis peeleest. Ige pyevti val ettâđ, kuás láá laddâm já puátá-uv šiev lyemeihe. Sáttá tábáhtuđ val veikkâ mii.

– Jos arva tâi čuormâst, te sáttá hyeneeht-uv keevvâđ, ij tom tieđe, smiättá Paltto.

Paltto kalga peessâđ jyehi ive jiägán ja ain sun lii kavnâm tommit kuittâg maid puurrâđ. Puoh pyeremus suu-uv mielâst lii lyeme njuolgist jeegist njáálmán. Lyeme loostâid puáhtá kevttiđ maaŋgânáál, mut Paltto ij äälgi taid puurrâđ ige kevttiđ.

Lyemeääigi läävejeh meid kuobžah älgiđ vuottuđ jeegijn já meid Palto láá paldattâllâm toin.

– Mun iälám jieččân ääigi já kuobžâ jieijâs ääigi, muái iän lah ohtân tobbeen jeegist, povvust Paltto.

Kuldâl Kerttu Palto ennustus taan keesi luámánijn

Kuldâl lase Anarâš saavâid tääbbin.

Varrasamosat: Säämi

Váldoođđasat

Varrasamosat

Muualla Yle.fi:ssä